Kabanata 75

MIKAY

"Oh kumusta 'yung operation pagselosin si crush mo?"

Napabusangot na lang ako dahil sa naging tanong ni Suzy. Nandito na naman ako ngayon sa shop niya para mag share ng sama ng loob. Kasi naman hindi ako pinapansin ni Damon, kung papansinin man niya ako kapag magagalit lang ito at pupunahin ang pagkakamali ko.

"Masyado siyang masungit ngayon, dinaig niya pa ang babaeng nagreregla," pagmamaktol ko. Inayos ko pa ng paitaas ang buhok kaya lang naalala ko na kay Damon pa rin pala ang pantali ko.

"Sino ba kasi ang ginagamit mo para pagselosin siya?" tanong naman ni Hana na nasa laptop niya ang tingin niya dahil abala ito sa kaniyang trabaho.

"Si Adam," simpleng sagot ko. "Ang sama lagi ng tingin niya kapag si Adam ang kasam ako eh."

Agad namang napaangat ng tingin si Hana, at si Suzy halatang nagulat sa sinabi ko.

"Gaga! Talagang magsusungit iyon, si Adam ba naman ang ginamit mo," ani Suzy na iiling-iling pa.

"Eh ano naman? Si Adam lang naman ang close ko," sagot ko saka ako s