KABANATA 74

MIKAY

Kabado bente ako ngayon habang inaabangan si Damon. Kanina pa ako palinga-linga pero hindi ko siya makita, mukhang busy na naman ata siya sa ibang bagay.

"Mikay, napano 'yang leeg mo?" tanong ni Nurse Yen.

"Ah wala 'to, Nurse," sagot ko saka ako muling nagpalinga-linga sa paligid.

"Sino bang hinahanap mo?" Luminga-linga na rin si Nurse Yen sa tabi ko.

"Yung crush ko po..." Mabilis kong naitikom ang bibig ko dahil sa sinabi ko. "Eme!" sagot ko saka alanganing ngumiti.

Pero as usual hindi iyon bumenta sa kaniya.

"Sinong crush 'yan?" Pinanliitan niya ako ng mga mata.

"Wala Nurse. Eme lang. Oo nga pala, ano pong sabi ni Nurse Lana?" pag-iiba ko ng usapan saka ako nagpanggap na may inaayos.

"Sus Mikay, may crush ka pala ah," pang-aasar sa akin ni Nurse Uly na kadarating lang, pero hindi ko siya binalingan ng tingin sa halip ay patuloy akong nagpapangggap na chincecheck ang records ng pasyente.

"Tinatanong ko nga kung sino, pero iniiba naman niya ang usapan."

"Ayoko ngang sab