Kabanata 62

MIKAY

Marahas ko siyang itinulak palayo sa akin at saka mabilis na lumabas sa C.R bago pa man niya ako muling mapigilan. Ramdam na ramdam ko ang init sa aking mukha na kahit hindi ko na ito tingnan pa sa salamin, alam kong pulang-pula na ito ngayon.

"Mikael..."

"Mikay!"

Nakuha ni Adam ang atensyon ko. Mabilis akong lumapit sa kaniya.

"What happened to you..."

Hindi niya nagawang ituloy ang sasabihin niya nang mabilis ko siyang hinila at kinaladkad palabas. Tuloy-tuloy lang ang lakad ko hanggang sa pareho naming narating ang labas ng villa. Sobra-sobra ang paghaharumentado ng puso ko na tila ba kakawala ito sa akin.

I can't really grasp a word to say right now. Parang nablangko ang utak ko. Ang tanging nasa isip ko na lang ngayon ay kung paano niya ako hinalikan kanina. Hanggang ngayon ay ramdam ko pa rin ang labi niya sa akin.

"Mikay, are you okay?"

Hinila ako ni Adam pagkakwa'y hinawakan niya ang magkabila kong pisngi.

"May nangyari ba?"

Napalunok ako. Mas lalo kong nararamdaman ang