Kabanata 61

MIKAY

Hindi ko maiwasang mamangha sa nakikita ko ngayon. Sobrang ganda rito. Sobrang daming puno. Ang linaw ng tubig. Sobrang presko. Ang kalmado.

"Grabe! Ang ganda rito," saad ni Juday na nasa tabi ko habang patuloy ito sa pagkuha ng litrato, gano'n din ang ginagawa ni Tina.

Maraming tao sa paligid, dahil nagsidatingan na rin ang mga kasama sa convention. Iba't ibang hospital ang nandito, malaki man o maliit ay kasama. Hindi ko pa nakikita si Lolo, siguro ay kasama niya ang mga katulad niyang malalaking tao. Bigla ring naglaho sa mga mata ko si Damon, siguro ay kasama niya si Doc Caitlyn na umiikot na ngayon.

"Oh! Message. May meeting daw," ani Tina na natigil sa pagkuha ng litrato.

Kaya naman sabay-sabay naming tinungo ang villa namin. Sa sobrang laki ng beach ay may kaniya-kaniyang villa ang lahat ng mga kasali sa convention. Sa villa namin, may tatlong malaking rest house na magkakatabi at may malaking garden at pool na maari naming gamitin, hiwalay ang mga interns, doctors, at m