Kabanata 65

MIKAY

Kanina ko pa tinatawagan si Damon pero hindi ito sumasagot. Kinakabahan na ako. Nagwawala na ang ang sistema ko. Nakagat ko ang aking ibabang labi.

"Sino kaya 'tong kasama niya?"

Para na akong mauubusan ng hangin sa katawan. May lumabas kasi na article tungkod kay Damon, yung may date raw siya sa adventure park. Ito na nga ba kasi ang sinasabi ko eh. Buti na lang sa isang picture na lumabas blurred yung mukha ko. Paano na lang kaya kung naface reveal ako? Edi susugurin na ako ng mga fangirls niya online.

"Mikay, 'di ba nagpunta ka ng adventure park no'ng friday?"

"Oh? Anong kinalaman ko riyan?" depensa ko agad dahil sa tanong ni Tina.

"Tinatanong ko lang naman. Masyado kang highblood," saad ni Tina na umirap pa sa akin.

Muli kong binalingan ng tingin ang cellphone ko. Kanina pa ako nag sesend ng message kay Damon pero ni kahit isang reply wala man lang akong natanggap mula sa kaniya. Mukhang busy na naman siya kay Caitlyn. Hindi raw niya jowa, pero kung magdikit sila sa isa't-i