Kabanata 3

"Ang hina talaga ng utak mo Sapphire. Palibhasa ay hindi ka nakatapos," pangungutya ni Fiona sa kanya. "Ikaw ang magiging substitute ko."

"Ang talino mo talaga anak," proud na sabi ni Leida sa anak nitong si Fiona.

"Wala akong panahon Fiona dyan. Hindi iyan ang ipinunta ko dito. Papa," maluha-luhang lumapit si Sapphire sa kanyang ama kaya napasimangot si Fiona at Leida doon.

"Hihingi nanaman ng pera yan! Naku! Parehas lang sila ng ina niya," masungit na sabi ni Leida.

"Pwede tumigil muna kayong mag-ina?" pakiusap ng ama nila Sapphire kaya umirap si Leida.

"Pa, ang inay nasa ospital po. Kailangan jiya po madala sa Maynila para maoperahan at ma-heart transplant," walang kemeng sabi ni Sapphire.

"Sabi na nga ba eh!" sagot nmaan ni Leida at sinamaan naman siya ng tingin ni Fiona.

"Magkano ba ang kailangan mo Sapphire?" tanong ng kanyang ama.

"H-humigit kumulang tatlong milyon po," nahihiyang sabi ni Sapphire.

"What? Pa, masyadong malaki iyon! Sumusobra ka na talaga Sapphire. Porket alam mong mabait si papa!" sabi naman ni Fiona.

"Pa, wala na kasi akong ibang malapitan. Gusto ko lang naman po makasama pa ng matagal ang inay," naiiyak na sabi ni Sapphire.

"Nagdrama na nga," bulong ni Leida pero dinig naman nilang lahat.

"Totoo ang sinabi ni Fiona anak, masyadong malaki iyon at sa kalagayan ng kumpanya ko ay baka hindi kita matulungan. Nalulugi na kasi ang kumpanya ko," malungkot na sabi ng kanyang ama at nakaramdam naman siya ng lungkot doon dahil hindi naman niya gustong sumabay sa problema nito.

"Naiintindihan ko po papa."

"Pero kung papayag ka sa gusto ng kapatid mo na maging substitute bride ay baka pwede nating magawan ng paraan," sabi ng ama nila.

"Substitute bride po? Pero pa, hindi pa po ako handa magpakasal."

"Kayong dalawa lang ni Fiona ang anak ko, ayaw ni Fiona na magpakasal. Ikaw na lang din ang pag-asa ko Sapphire. Kapag isa sa inyo ang naikasal sa mga Palma tiyak ko na makakabangon agad ang kumpanya mula sa pagkalugi. Ito lang din ang paraan para makabayad sa mga utang natin sa kanila," pangkukumbinsi ng ama nila kay Sapphire.

"Isa pa, pinapangako namin na ibibigay namin ang tatlong milyon na kailangan mo. Basta ba pumayag ka maging substitute ko," nakangising sabi ni Fiona.

"Sigurado po ba kayo na ibibigay niyo sa akin ang tatlong milyon? Pa, kailangan na kailangan ko po talaga iyon para kay inay," malumanay na sabi ni Sapphire ngunit bago pa makasagot ang ama nila ay nauna si Leida.

"Aba eh kung wala kang tiwala sa amin e 'di lumayas ka sa mansyon namin! Panuorin mong mamatay ang nanay mo," masungit na sabi ni Leida at hindi naman iyon hahayaang mangyari ni Sapphire.

"P-pumapayag na po ako," dahil sa sinagot ni Sapphire ay nagkatinginan sina Leida at ang anak nitong si Fiona sabay ngisi. Pero hindi inaasahan ni Sapphire ang sumunod na sinabi ng kanyang ama.

"Mabuti pa matulog ka na dahil bukas ng tanghali na ang kasal niyong dalawa," napaawang na lang ang bibig ni Sapphire dahil sa sinabi ng kanyang ama.

"Bukas po agad?" hindi makapaniwalang tanong ni Sapphire at napatango naman ang kanyang ama at tumawa naman na parang nang-aasar si Fiona bago nagsalita.

"Good luck sis!"

"Dad! Anong kalokohan nanaman po ba ito?" galit na tanong ni Kaiden ng malaman niya na bukas ng tanghali ay ikakasal siya sa babaeng ni minsan ay hindi pa niya nakikita.

"Dahil sa kalagayan mo Kaiden ay kailangan kumilos na kami ng mommy mo. Kailangan magkaroon ka na ng tagapagmana," matigas na sabi ng ama ni Kaiden.

"Pero hindi sa ganitong paraan dad! Talagang minamaliit niyo ko dahil ba bulag at lumpo na ako?" hindi naman nakasagot agad ang ama ni Kaiden.

"No, Kaiden. Hindi iyon gano'n, inaalala lang namin ang future mo at ng kumpanya. Kaya naman nakapagdesisyon na kami. Hindi na iyon mababago pa," saad naman ng kanyang mommy.

"Pero tita at tito, hindi po ba masyadong madali ang lahat? Bukas po talaga agad?" Tanong ni Caesar.

"Hindi! Ayoko! Kung iniisip niyo ako hindi niyo gagawin ito sa akin!" sigaw pa ni Kaiden at akmang hahawakan na niya ang dalawang wheel ng kanyang wheelchair pero narinig nila ang pagdaing ng kanyang ama.

"Armando, honey!" rinig na sigaw ng mommy niya.

"Tito!" sigaw naman ni Caesar.

"Dad? Mom? A-anong nangyayari?" kinakabahan na tanong ni Kaiden.

"Dalian mo Caesar, tawagin mo doctor ng tito Armando mo!" sigaw ng mommy ni Kaiden.

"Kaiden, gusto mo talagang mamatay na lang ang ama mo na walang apo? Isa pa na totoo ang sinabi namin na future mo ang iniisip namin. Paano na lang kung mawala na kami? Sino na lang ang mag-aalaga sayo?" umiiyak na sabi ng ina ni Kaiden at napahawak ang kapit ni Kaiden sa wheel ng kanyang wheelchair.

Mahina si Kaiden pagdating sa kanyang magulang kahit pa na ilang taon na siya ngayon at isa ng bilyonaryo. Ayaw niyang naririnig na umiiyak ang kanyang ina lalo na ang mamatay ang kanyang magulang. Kaya naman nabuo ang isang desisyon ni Kaiden na alam niyang magiging masaya ang kanyang ama ay ina.

"Sige po, pumapayag na ako. Dad, itigil niyo na po ang pagpapanggap mo na inaatake. Nag-alala si mommy," sabi ni Kaiden at napangiti naman ang ina nito dahil sa sinabi niya.

At ang ama naman ni Kaiden ay iminulat ang isang mata at tumingin sa kanyang asawa na ngayon ay nakahawak sa kanyang kamay. Pinisil nito ang kamay ng kanyang asawa at napatingin ang mommy ni Kaiden dito. Nagthumbs up naman ang ama ni Kaiden sa kanyang asawa na ina ni Kaiden. Bigla namang dumating si Caesar na kasama na ang doctor ng kanyang Tito Armando pero nagsenyas naman ang mga ito na tumahimik. Takang-taka naman si Caesar dahil mukhang okay naman ang ama ni Kaiden.

Kinabukasan...

"Gising na pala ang pambayad sa utang," pang-aasar ni Fiona sa kanya.

"Pwede ba Fiona, huwag mong sirain ang araw ko. Isa pa diba ikaw ang dapat na ipapakasal sa kanya?" balik na sabi ni Sapphire sa kanya.

"Sa tingin mo magagawa nila mama at papa na ipambayad ako sa utang ng kumpanya?" nakangising sabi ni Fiona. "Bagay lang sa 'yo na pambayad ng utang dahil may atraso ka sa akin!"

"Tungkol nanaman ba ito kay grandpa?" tanong ni Sapphire.

"Grandpa ko, Sapphire. Ako lang ang apo niya at hindi ka kabilang doon!" pinagdidiinan na sabi ni Fiona.

"Hindi mo maaalis ang katotohanang itinuring niya akong apo kahit na hindi kami magkadugo Fiona," hindi na niya hinintay na makasagot sa kanya si Fiona at talikod na siya. Ayaw niyang patulan ang kanyang kapatid.

"Saan ka pupunta? Marahil ay tatakas ka sa responsibilidad mo!"