Kabanata 2

"A-ano po?" hindi makapaniwalang tanong ni Sapphire, kinakabahan na din siya sa mga oras na 'to.

"Are you deaf? Ang sabi ko maghubad ka. Isa-isa mong tanggalin ang suot mo." Masungit at bossy na sabi ng isang lalake.

Hindi alam ni Sapphire ang gagawin. Alam naman niya na ito ang kanyang pinasok pero hindi pa rin pala talaga siya handa na maghubad sa harap ng mga lalakeng ito. Pero sa kabilang banda ay naiisip niya ang walang malay niyang ina na nasa ospital pa din.

"Naiinip na kami!" sigaw nong lalake.

"Chill bro, tinatakot mo si ganda eh," rinig naman ni Sapphire na sabi ng isa pang lalake. "Sige na miss, do your work and wag mo na pansinin ang pinsan ko."

"Trabaho naman nila ang maghubad," sabi nong masungit na lalake at tila natauhan si Sapphire doon. Sobrang baba pala talaga ng tingin nito sa mga nagtratrabaho dito.

"H-hindi ko ho magagawa ang pinapagawa niyo, sorry," sabi ni Sapphire at bumaba siya sa stage at noong malapit na siya sa pintuan ay may humawak sa kanya.

"Hindi ka pwede lumabas ng kwartong 'to hangga't hindi mo ako napapasaya. Binayaran ka namin kaya gawin mo ang trabaho mo! O baka naman gusto mong ako pa ang maghubad sayo?" sabi nong masungit na lalake na kanina pa siya inuutusan na maghubad.

Halata na rin sa boses ng lalake na madami na itong nainom. May mga naririnig pa nga na boses si Sapphire na nagchecheer sa lalake na hubaran na siya.

"B-bitiwan mo ako," naiiyak na sabi ni Sapphire at nagulat na lang siya nang isubsob ng lalake ang kanyang mukha sa kanyang leeg at pilit siyang hinahalikan doon. "Ahh! Tulong! Bitawan mo ko!"

"Binayaran namin ang gabi mo kaya dapat lang na pasayahin mo kami!" natatawang sabi nito sa kanya kaya naman hindi na napigilan ni Sapphire na sampalin niya ito.

"Shit! Sinampal mo ako?!" galit na galit na sabi ng bastos na lalake saka nito hinawakan ng mahigpit ang pisngi ni Sapphire.

Sa lakas ba naman ng pagkakasampal ni Sapphire ay pakiramdam ng lalake ay nawala ang kanyang pagkalasing. Napapaluha na si Sapphire dahil sa sakit na nararamdaman niya dahil sa madiing pagpisil ng lalake sa kanyang pisngi. Wala man lang nais na tulungan siya sa kanyang sitwasyon ngayon. Naisip ni Sapphire na ganito ba talaga ang ugali ng mga mayayaman?

"Daniel, pinapatigil ka na ni kuya."

"Hindi ako titigil hangga't hindi ako nakakabawi sa pamamahiya ng babaeng ito!" sabi ni Daniel saka niya hinila ang damit ni Sapphire.

Dahil sa nipis ng tela na suot ni Sapphire ay nasira iyon kaya naman malayang nakikita ng mga lalakeng ito ang dibdib ni Sapphire. Pumipiglas si Sapphire para mahawakan niya ang damit niyang nasira upang matakpan ang kanyang dibdib. Dinig na dinig nila ang pag-iyak ni Sapphire. Hindi naman ganito ang inaasahan ni Sapphire. Akmang hahalikan sana ni Daniel sa labi si Sapphire pero may nadinig silang sigaw na tila nagbabanta.

"Daniel! Huwag mong hintayin na ipakaladkad kita sa mga bouncers!" dahil sa pagsigaw ng isang lalake ay ramdam ni Sapphire na mas lalo siyang tinignan ng masama ng lalakeng balak siyang gawan ng masama.

"Ahh!" daing ni Sapphire ng malakas siyang itinulak ng lalake kaya naman napasubsob siya sa sahig.

"Huwag lang sana magkrus ang landas nating dalawa ulit," pananakot pa ng lalake sa kanya bago tuluyang lumabas ng kwarto, sumunod naman ang kasama nila dito palabas.

Tatayo na sana si Sapphire pero nagulat na lang siya dahil may naghagis sa kanya ng bungkos ng pera. Napaangat naman siya ng tingin, isang lalake ang nakatingin sa kanya at nakasakay ito sa wheelchair. Kahit may kadiliman sa kwartong iyon ay kitang-kita ni Sapphire ang malamig na tingin ng lalakeng ito sa kanya.

"Bayad yan dahil sa ginawa ng pinsan ko at sa pananahimik mo," malamig na sabi nito sa kanya.

"P-pananahimik?" Naguguluhang tanong ni Sapphire.

"Huwag mong sabihin na kulang pa iyan? Kung hindi mo kasi kayang magtrabaho sa ganito, umalis ka na lang," wala namang bastos sa sinabi ng lalake pero pakiramdam ni Sapphire ay buong pagkatao niya ang hinusgahan ng lalake.

Magsasalita pa sana si Sapphire pero inutusan na nong lalake na itulak ang kanyang wheelchair paalis. Naiwanan naman doon si Sapphire na humahagulgol ng iyak habang mahigpit ang hawak sa perang bungkos na ibinato sa kanya kanina.

"Sa susunod nga huwag niyong isama si Kuya Kaiden sa gimik. Ang kill joy eh!" parang spoiled na batang sabi ni Daniel sa parking lot.

"Baka nakakalimutan mo Daniel ikaw ang nagpumilit na sumama ako kahit na alam mo ang kalagayan ko," masungit na sabi ni Kaiden sa kanyang pinsan.

"Naku kuya, huwag mo na pansinin ang batang iyan. Kailangan na din natin umuwi. May mahalagang sasabihin sila Tito, lalo na sa 'yo," sabi ni Caesar kay Kaiden kaya napakunot ng noo ang binatang nasa wheelchair.

"Ano nanaman kaya ang binabalak nila?"

Sa loob ng club...

"Pasensya ka na talaga Sapphire, ayaw kitang tanggalin pero ako naman ang mawawalan ng trabaho kapag hindi ko sinunod ang utos ng boss. Nagreklamo ang mga VIP guest at maaari nilang ipasara ang club dahil sa ginawa mo," sabi ng manager kay Sapphire na ngayon ay inaalalayan na ni Olivia.

"Manager, nagmamakaawa naman po ako sa inyo. Huwag niyo po ako tanggalin," hinawakan pa ni Sapphire ang kamay ng kanilang manager para humingi ng awa dito.

"Madam, pagbigyan niyo na po si Sapphire," pati si Olivia ay nagmamakaawa na rin.

"Pasensya na talaga," sabi ng manager sabay alis nito. Wala na talagang nagawa si Sapphire.

"Halika na Sapphire, tutulungan kitang magbihis," aya ni Olivia sa kanya.

Ramdam naman kasi ni Olivia ang pagod ni Sapphire. Nakita din nito na namumula ang kanyang pisngi. Awang-awa siya sa kanyang kaibigan.

"Sa apartment ko muna ikaw matulog ngayon, hintayin mo na lang muna na matapos ang duty ko," alok ni Olivia sa kanya.

"Hindi na Olivia, malaki na ang abalang nagawa ko sa 'yo. Isa pa napagdesisyunan ko na pumunta ng Tagaytay. Hihingi na ako ng tulong sa papa ko," kagat labing sabi ni Sapphire.

"Eh diba matapobre ang napangasawa ng ama mo? Paano kung hawakan niya nanaman sa leeg ang papa mo para hindi ka matulungan?"

"No choice na ko Olivia," umiiyak nanaman na sabi ni Sapphire.

"Osiya, mag-iingat ka ha. Pasensya ka na kung wala akong maitulong. Short din ako e," napatango naman doon si Sapphire saka niya niyakap si Olivia.

Malapit na maghating-gabi ng makarating si Sapphire sa balwarte ng kanyang ama. Wala pa siyang kain ng mga oras na iyon. Kinakabahan man ay tumuloy pa rin siya. Mabuti na lang dahil namukhaan siya ng guard ng mansyon ng ama kaya pinapasok siya sa loob. Doon niya nadatnan na nag-uusap ang pamilya ng kanyang ama.

"Anong ginagawa ng bastardang ito dito?" bungad na masungit na sabi ng step-mother niyang si Leida.

"Alam niyo ba mama at papa. Perfect ang pagdating ng magaling kong step-sis. Dahil siya ang ipapakasal natin sa Palma!" natatawang sabi ni Fiona at napakunot naman ang noo ng ama nila doon.

Hindi naman ito maintindihan ni Sapphire. Kakarating niya lang sa mansyon at ito na agad ang bumungad sa kanya.

"A-anong ibig mong sabihin Fiona?"