Kabanata 4

SIERRA

"Sige po," nasabi ko na lamang at kinuha ang sling bag ko. Nang makita kong tumayo na siya ay lumapit ako sa kaniya at napatingin sa bag na inilipag niya sa lamesa. Mukhang ito yata ang dadalhin ko. 

"Ito lang po ba ang dadalhin ko, Mayor?" Paninigurado ko at ng akmang hahawakan ko na sana ay nabigla na lang ako ng hawakan niya ang kamay ko kaya napatigil ako sa pagkuha ng bag na dadalhin ko sana. 

"Ako na dyan," nakakatitig siya sa mga mata ko habang hawak ang kamay ko dahilan para makaramdam ako ng kakaiba sa tiyan ko. Nang maramdaman niyang pilit kong kumawala sa hawak niya ay nakita ko ang munting pagngisi niya bago ako talikuran. 

"Let's go." Pagyayakag niya at hinampas ko muna ng mahina ang pisngi ko kung tama ba ang nakita ko kanina. 

Nginisian ako ni Mayor Caleb o baka naman trip niya ako? Baka mamaya ay magbuga na naman ng apoy 'yon.

Paglabas namin ay sumalubong sa akin ang mga empleyado na nakatayo at binabati si Mayor Caleb pero ang isang 'to ay dire-diretso lamang na akala mo ay walang naririnig. 

Kaya ako na ang bumati na nginitian naman nila ako kaso nga lang ang ibang kababaihan ay iniiripan at tinataasan ako ng kilay na hinayaan ko na lamang. 

Napatigil na lang ako sa ginagawa ko dahil ng lumingon ako parang tingnan ang daan ay nauntog ako sa likod ni Mayor Caleb dahilan para mapaaray ako na ikinalingon naman niya. 

"Sorry po, Mayor. Hindi po ako tumitingin sa daan," paghingi ko ng paumanhin habang hawak ang noo ko kaya tumango na lamang siya at tumalikod. Napakagat labi na lamang ako sa inasal niya.

Nakakahiya ka, Sierra. Buti hindi ka sinungitan.

Habang hinahaplos ko naman ang noo ko para mawala ang sakit ay siya namang pagbukas ng elevator kaya sabay na kaming pumasok. Pagsara nito ay nakita kong binaba ni Mayor ang bag na hawak niya at marahan hinawakan ang kamay ko na ngayon ay nasa noo ko pa rin.

"Let me see," aniya kaya nanlaki naman ang mata ko ng hilutin niya ano noo ko at hinipan ito. Naramdaman ko tuloy ang mainit na hininga niya sa noo ko dahilan para bumilis ang tibok ng puso. 

Umayos ka, Sierra! Lumayo ka kay Mayor Caleb!

"O-okay na po, Mayor." Naghihisterikal kong saad kaya tumingin siya sa mata ko dahilan para mapaatras ako pero napasinghap na lamang na mabilis na pumalibot ang braso niya sa bewang ko. 

"Wala na ang pamumula, next time mag-iingat ka." Pangaral niya bago ako bitawan dahil saktong bumukas na ang elevator. 

Ilang segundo akong natulala sa ginawa ni Mayor Caleb pero iwinaksi ko kaagad iyon dahil may meeting pala kaming pupuntahan. 

Paglabas namin ng Munisipyo ay may tumigil na itim na sasakyan sa tapat kung saan ito ang sasakyan namin. Nagulat na lang ako ng pagbuksan ako ni Mayor ng pinto kaya tumingin muna ako sa kanya. Baka mamaya ay hindi pala sa akin. 

"Get in." Seryoso ang boses niya kaya mabilis ko namang sinunod. Pagsakay niya ay nagdikit ang katawan naming dalawa kaya dahan-dahan akong lumayo at chineck ang mga meeting ni Mayor Caleb ngayong araw. 

Ang una pala ay meeting kay Governor Laxon para sa pinag-usapan nila na bagong elementary building dito sa Sta Rosa kung saan may share yata si Governor. Pangalawa naman ay ang nasalanta ng bagyo kung saan ay magpa-pack kami ng mga relief goods. 

Napatigil na lang ako sa ginagawa kong schedule ng tumigil na ang sasakyan sa isang restaurant. Kaya mabilis kong inayos ang mga gamit at akmang bubuksan na sana itong kabilang side ng pinto ay inunahan na ako ni Mayor Caleb at siya na mismo ang nagbukas. 

Pagbaba ko ay nagpasalamat ako na ikinatango naman niya. Nagpasalamat muna ako sa driver bago kami tuluyang iwan ni Mayor Caleb. Pagpasok namin ng restaurant ay sumalubong sa amin ang tahimik na ambiance at isang lalaki na ngayon ay nakatingin sa akin. 

Dahilan para mailang ako at umiwas ng tingin. Sa ginawa niyang 'yon ay tumikhim si Mayor Caleb kaya sa kanya napunta ang atensyon ni Governor Laxon.

"Ako ang kakausapin mo, Laxon. Kaya tara na." Masungit nitong saad kaya napangiwi na lang ako at napangisi naman itong katapat ko.

"Who is she? Siya na ba ang girlfriend mo?" Halos mahulog ako sa kinauupuan ko ng marinig ko 'yon kay Governor Laxon kaya ng akmang sasagot na sana pero naunahan ako ni Mayor Caleb. 

"It's none of your business, Laxon. That's too personal to ask." Aniya kaya napanguso na lamang ako kaya mahina namang natawa ulit si Governor. 

"She's beautiful, huh." 

Hindi ko alam kung compliment ba 'yon o ano dahil bakas doon ang pang-aasar na para bang tuwang-tuwa siya sa nangyayari ngayon. 

"Stop Villamor. Nandito ako para sa gagawing proyekto hindi para tingnan ang sekretarya ko." Ramdam ko na ang galit at iritasyon sa boses ni Mayor Caleb kaya tumikhim na si Governor Laxon at nagsimula na silang mag-usap. 

Habang sinusulat ko naman ang mahahalagang detalye ay napatigil kaming lahat ng malakas na nag-ring ang cellphone ko, kaya ng tingnan ko kung sino ito ay napakagat labi na ako. 

Baby is calling…

"Oh, I think someone has been taken already." Sumisipol na saad ni Governor Laxon ng makita nila ang name sa screen ko. Gusto ko mang magpaliwanag ay nanlamig na lang ako boses ni Mayor Caleb. 

Daig pa nito ang yelo sa lamig. 

"Don't answer that, Ms Madrigal."

"Yes, Mayor. Sorry po sa abala," paghingi ko ng paumanhin at pinatay muna ang tawag. Nilagay ko na rin sa silent mode ang cellphone. Lagot sa'kin 'tong natawag mamaya. 

Muntik pa akong mawalan ng trabaho. 

"Ngayong lunes naman ay pupunta tayo sa school para tingnan kung ano pa ang mga kulang na kagamitan ng mga estudyante at guro." Pakinig kong saad ni Mayor Caleb na ikinatango ko naman. 

"Bukas ay wala ako, Caleb pero nagsend at naghanda na rin kami ng mga relief goods para sa nasalanta sa lugar niyo. Hintayin niyo na lang bukas." Habilin ni Governor na sinulat ko naman.

Matapos ang halos na isang oras na usapin ay natapos na rin ang dalawa, habang nilalagay ko sa bag ang mga gamit ay muling nagring ang cellphone ko at sa pagkakataon na ito ay sinagot ko na. 

Busy naman sila Mayor at Governor kaya lumayo ako ng kaunti sa pwesto nila. Nang sagutin ko ang tawag ay pasinghal akong sumagot. 

"Ano ba 'yon, Kuya Eros?" Pagtitimpi kong tanong kaya narinig ko ang mahinang pagtawa niya sa kabilang linya. 

"I miss you," aniya sa malambing na boses kaya ang kaninang inis na nararamdaman ko ay biglang nawala. 

"I miss you too but I'll hang up it now," nagmamadaling saad ko dahil narinig pala nila Mayor at Gov ang boses ko dahil napatigil sila. 

Hindi ko na hinintay pa ang sagot ni Eros dahil bigla akong kinabahan sa malalim na tingin ni Mayor Caleb. Nang akmang lalapit na sana ako sa pwesto namin ay may tumawag sa pangalan ko dahilan para mapalingon kaming tatlo sa taong 'yon. 

"Baby Sierra!" 

Si Kuya Eros na ngayon ay kumakaway at malawak ang ngiti na lumapit sa akin.