97 - Kislap

Parang nasa langit ang puso ni Trinity nang araw na iyon. Paano ba naman kasi, nanalo ang team nila ni Henrik. Parang pinaglalaruan lang ng team nito ang kalaban dahil hindi nakaalis ang score ng mga ito sa uno. Nakasampung puntos lang naman ang New Jersey Devil at apat doon ay si Henrik ang nakapag-home run!

Ang galing naman talaga ng asawa niya! Kulang na lang ay alugin siya kanina ni Favio kung hindi lang nito naisip na may sakit siya.

"Congratulations!"

"Thanks." Ngumiti sa kaniya si Henrik. Sakay siya sa kotse nito at matagal din sila bago nakaalis sa loob ng pinadausan ng laro.

Ininterview pa ang lalaki matapos nitong makapagpalit ng damit at hindi lang iyon, sinama pa siya sa interview nito at pinakita sa harap ng camera ang suot nilang singsing.

Pati ang nag-interview na babae ay nagulat at napa-wow sa singsing nilang dalawa. Mas lalo pa siyang nawindang no'n nang sinabi ng lalaki harap-harapan sa camera na siya ang pinakamamahal nitong asawa at gaganapin ang church wedding ni