96 - Para Sa 'Yo

Namalagi pa sila nang ilang oras doon ni Henrik at labis ang saya ni Trinity na naramdaman, totoo iyon. Dahil lahat ng galaw at kislap ng mata ni Henrik laban sa kaniya ay totoo iyon. Walang pagkukunwaring nakikita niya.

Kung awa man ito o pagmamahal, wala na siyang pakialam. Mas naka-focus ang atensyon niya sa buhay na nagsimulang tumibok sa kaniyang sinapupunan. Ito ang mas mahalaga sa kaniya ngayon at dalangin niya na sana ay malagpasan niya lahat hanggang sa maisilang ang anak niya. Kahit makita lang ito saglit ay masaya na siya roon.

"Trie?"

"Hmm?" Napalingon siya kay Henrik. Nasa harap sila ng food truck. Maraming nakapilang mga bata pero nung makita ng mga ito na si Henrik ang nasa likuran, kaagad na pinauna ng mga bata ang asawa niya. Tulad nung naunang dalawang bata, sinenyasan lang ito ni Henrik na huwag maingay at kaniya-kaniyang tango ang mga ito na kinikilig.

"Here's your order, Ma'am."

Malugod naman niyang tinanggap ang pagkain. Ang sarap pala magmahal ng walang sakit na