TMUW 38: Bathroom

Nanghihina na inilipat ko ang bigat ko kay Lucas at hinayaan na ipulupot ang mga braso sa kaniyang leeg.

"Aurora, stop," pagpapatigil niya sa akin.

"Ang init, Lucas," reklamo ko matapos kagatin ang ibabang labi niya.

Napapasinghap na marahan niya akong tinutulak. Hindi ko na alam kung epekto pa ba ang alak ang lahat. Hindi naman ganito ang epekto ng alak kapag nakainom ako.

"Get up, Aurora," nahihirapan na utos niya.

Napapanguso na gumulong ako sa gilid niya dahil hindi ko na kaya pa na tumayo o bumangon man lang dahil sa pagkahilo.

Dumadaing sa sakit na hinawakan ko ang balakang ko.

"Damn it, why did you roll down?!" galit na aniya.

"Hindi nga ako makatayo!" reklamo ko.

Hindi na ako nagreklamo pa nang buhatin na lang niya ako. Inakala ko pa na ididiretso na niya ako sa kama ngunit inupo niya ako sa high chair ng kusina.

"Here, drink this," utos niya matapos akong salinan ng tubig sa baso.

Wala sa katinuan na kinuha ko iyon. Ang masama pa ay ayaw rin tanggapin ng lalamunan ko ang tubi