Chapter 7

Alexa's POV

Mabilis ang mga hakbang ko habang naglalakad papynta sa kotse ni Travis samantalang nasa likuran ko naman ang asawa ko sa papel at madilim ang mukha habang hinahabol ako. Mabilis akong pumasok sa passenger seat at umurong sa sulok ng upuan. Hindi nagtagal ay pumasok na rin si Travis sa pinasukan kong pintuan.

"Hindi ko gusto ang ginawa mo kanina sa harapan ni Daddy, Alexa. Kung hindi ka agad nakaisip ng palusot ay nabuko na sana tayo kanina," galit na sita sa akin ni Travis pagkapasok niya sa loob ng kotse.

Ang tinutukoy niyang ginawa ko ay ang pagtulak ko sa kanya kanina habang hinahalikan niya ako sa harapan ng kanyang ama. Nadala kasi ako sa tamis ng mapagkunwari niyang mga halik kaya muntik ko nang makalimutan na nagpapanggap lamang kami. At nang mahimasmasan ako ay pabigla ko siyang naitulak. Nagtaka ang daddy niya kung bakit ko siya itinulak. Ang sagot ko ay hindi na ako makahinga kaya itinulak ko ang anak niya. Mabuti na lamang at naniwala ito sa aking sinabi at hin