Chapter 23

“ANG aga naman pala niyang lumandi. Kaya siguro wala masyadong alam, inuna ang pag-aasawa kaysa mag-aral,” isa lamang sa komento ng mga kaklase ni Kira.

Mas malala ang narinig niyang komento ni Ferry at mga kaibigan nito. Hindi niya maintindihan bakit parang ang laki ng kasalanan niya dahil may asawa na siya.

“I’m sure, hindi na siya virgin,” ani Ferry, ang lakas pa ng boses kaya rinig na rinig ni Kira.

“Kaya pala siya nakapasok dito sa CCB, siguro pinakasal siya ng parents niya sa matandang mayaman na uugod-ugod,” gatong naman ni Antonia, ang matabang mahilig kumain ng junk foods.

“Gosh! Parang telenovela lang? Arranged marriage ang peg,” sabi naman ni Chesca sabay hagikgik.

Gustong tumayo ni Kira at sigawan ang mga kaklase niya pero pinigil siya ni Shaira. Mabuti pa ito hindi siya hinusgahan.

“Bakit sila gano’n? Masama ba kung may asawa na?” naguguluhang tanong niya.

“Hindi naman. At saka nasa tamang edad ka naman, eh. Ayos lang ‘yon.”

“Pero bakit nagtatawanan sila?”

“Kasi