Chapter 27

KASUNOD lang ni Kira si Dimitri na nakauwi ng bahay. Dumiretso kaagad siya sa kaniyang kuwarto at nagbihis. May apat pa siyang tirang chocolate na binigay ni Luther at kaniya itong pinapak. Hindi siya maka-get over sa sarap nito at gusto rin niyang bumili. Kaso mukhang walang ganoong choclate sa mall.

Itinago niya sa bag ang box ng chocolate para mahanap niya sa mall. Kumakain pa siya nang biglang pumasok si Dimitri. Tumalikod siya upang hindi nito makita na may kinakain siya. Nagkunwari siyang sumisilip sa bintana.

“Kira, may nakaaway ka na naman daw sa school at lalaki naman,” sabi ni Dimitri.

May laman pa ang bibig niya kaya hindi siya makapagsalita. “Hmmm….” Tumango na lamang siya.

Kahit buo pa ang chocolate ay nilunok na niya bago pa siya mahuli ni Dimitri.

“Ano na naman ba ang ginawa sa ‘yo ng kaklase mo?” usisa nito.

Nang maubos ang kinakain ay humarap na siya kay Dimitri. “Ano kasi nilalait ka nila kaya nainis ako. Binato ko ng sapatos iyong mayabang kong kaklase,” sumbo