Chapter 30

HINDI mapigil ni Kira ang kaniyang pagluha dahil sa bigat ng emosyong lumukob sa kaniya. Nasuntok niya sa mukha si Ferry matapos siyang sabihan na t*nga, malandi, at nag-asawa ng matandang pangit. Napaiyak siya sa galit pero nanaig ang sama ng loob.

“Tahan na, Kira. Uuwi na tayo,” alo sa kaniya ni Shaira.

Nakasalampak pa rin siya sa sahig sa harapan ng classroom nila, walang tigil sa pagluha habang yakap ang kaniyang mga tuhod.

“Bakit ayaw nila sa akin, Shaira? Bad ba ako?” humihikbing tanong niya sa kaibigan.

“Hindi. Sila ang bad at inggit lang kasi mas mayaman ka.”

Bumalik naman si Ferry mula clinic at marami nang nakadikit na band-aid sa mukha dahil may kamot pa siya. Akmang susugurin siya nito ngunit may humagip sa kanang braso nito at humatak palayo sa kaniya.

Napatingala si Kira, tulalang nakatitig sa lalaking humila kay Ferry. Nawindang siya nang matanto na si Dimitri ito, walang suot na mascara!

“Who are you, as*hole?” palabang tanong ni Ferry kay Dimitri. Nagpumiglas i