Gun VIII

Mabilis na pinaharurot ni Louis ang sasakyan. Sa totoo lang ay nag-aalala siya sa dalaga lalo na at ang ina niya ang nagsabi na may nangyaring masama rito.

“Damn,” mura niya habang hinahampas ang manibela dahil sa traffic. Kung kailan naman siya nagmamadali saka pa nagkaroon ng traffic sa area na ito.

“Can you calm down? As if you can stop the traffic with that, idiot,” wika sa kaniya ni Kaizer, ngunit sa totoo lang ay kanina pa nanginginig ang kamay niya sa takot na may nangyari talaga kay Elaine. Matagal na siyang may gusto sa dalaga, ngunit pinipigilan niya ang sarili sa tuwing nagkikita sila dahil baka mas magulo ang isip nito sa mga nangyayari.

Sa totoo lang ay mas kilala pa nga niya si Elaine kaysa mapapangasawa nito. Wala naman siyang magagawa tungkol sa bagay na iyon lalo na’t hindi siya sigurado kung gusto rin siya ng dalaga. Kung maaari lang ay itatakas niya ito at mamumuhay sila nang simple, pero oras na mangyari iyon ay may parehas na mahalagang bagay ang mawawala sa kanila na hindi niya maaatim.

Nang makarating sila sa mansion ay agad na bumaba si Louis upang pumasok sa loob. Pagkarating niya roon ay nakangiti sa kaniya ang ina habang wala namang kaalam-alam si Elaine sa nangyayari.

“You’re home, anak. I’m glad to see you, how’s your day?” tanong ng ina niya at lumapit pa ito para yumakap sa kaniya. Nasa likuran niya naman si Kaizer na naguguluhan sa nangyayari.

“Akala ko po ba, Tita, may nangyaring masama kay Elaine?” tanong ni Kaizer habang palipat-lipat naman ang tingin niya sa dalaga at sa ina ni Louis na nakangiti sa kaniya na parang nang-aasar.

“Sa totoo lang, nagkaroon lang siya ng maliit na hiwa habang nagluluto kami at nalagyan ko na ng betadine. Huwag na kayong mag-alala,” sambit naman ng ina ni Louis nang kumalas ito sa pagkakayakap sa kaniyang anak.

Halos malaglag ang panga nina Louis at Kaizer sa sinabi ng ginang kaya agad na nagsalita ang binata, “I said that I’ll go home once I finish what I’m doing. Why did you use Elaine just to send me home?” tanong ni Louis habang nakakunot ang noo. Gusto niya naman talagang umuwi sa mansion dahil nag-aalala siya sa kung anong ikukuwento ng ina niya kay Elaine, hindi naman nito kailangan sabihin na may nangyaring masama kay Elaine para lang mapauwi siya kaagad.

“Why? May nangyari naman talagang masama at iyon ay nasugatan siya. Sa tingin mo ba, Louis, ay hindi ito masamang balita?” tanong ng ina niya habang nakahawak ang kamay nito sa sentido nito na parang nag-iisip. Ginagawa niya ito upang mas lalong asarin si Louis na epektib naman.

“Fine, but next time, you shouldn’t call like that. You’re making someone worry when the truth is, it’s not that big of a deal,” wika ni Louis na parang pinangangaralan ang ginang dahil sa ginawa nito. Nag-peace sign lamang ito bago bumalik sa tabi ng kaniyang ama.

Kahit kailan talaga ay isip-bata ang kaniyang ina, bakit hindi pa siya nasanay rito? Lagi naman siyang pina-prank ng ina at pagkayari ay wala na siyang magagawa kundi patawarin na lamang ito dahil lagi siya nitong gini-guilt trip.

“Kaysa tumayo ka riyan na parang naestatwa, bakit hindi mo batiin ang future wife mo?” sambit ng kaniyang ina habang kinakain ang cookies at graham na nasa table. Silang dalawa ni Elaine ang gumawa nito. Mabuti na lamang ay nakasundo niya ang dalaga sa hobby niya. Sa tuwing nasa trabaho kasi ang kaniyang asawa ay lagi siyang nagbe-bake para dalhin sa office nito.

“No need to tell it, Mom,” wika ni Louis dahil tinatrato na naman siyang parang binata ng kaniyang ina. For Pete's sake, magti-twenty seven years old na siya sa darating na Marso, pero kung kausapin siya ng kaniyang ina ay parang nasa eighteen years old pa lang siya na ayaw na ayaw niyang trait ng kaniyang ina.

Sa totoo lang ay naging dean’s lister siya noong nasa college siya dahil halos lahat yata ng mga guro doon ay kilalang-kilala ang pamilya niya. Isa siya sa miyembro ng football team na inilalaban lagi sa mga tournament ng university nila. 

He was really popular in their school which he hated because women were so annoying. They were always there wherever he went, and not just that, halos sambahin na nila si Louis dahil sa kaguwapuhan at karangyaan nito na umaabot pa nga sa puntong sila pa mismo ang nag-aayang makipagtalik sa binata na pinakaayaw niya sa isang babae. Ang gusto kasi niya sa isang babae ay may dignidad, hindi katulad ng mga nakilala niya na halos isuko ang virginity nila mapasakamay lang siya.

“Hello, wife,” bati niya habang dahan-dahan siyang lumapit sa dalaga na abala sa pagkukuwento sa ama nito. Agad naman itong humarap sa kaniya at nahihiyang bumati pabalik. Siniil niya ito ng halik sa noo na ikinatikhim ng ama nito na nasa tabi lang ni Elaine. Wala siyang nagawa kundi batiin din ito.

“And greetings to you, uncle,” mariin na wika ni Louis. Nginitian niya ang matanda na tantiya niya ay mga nasa forties na dahil sa grey na buhok nito na dala ng katandaan. May mga wrinkle na rin ito. Ang katawan nito ay medyo may kapayatan. Kung ikukumpara ang height ni Mr. Natividad sa anak niya ay mas matangkad nang kaunti ang dalaga kaysa sa kaniya dahil nagmana ng tangkad si Elaine sa kaniyang ina na pumanaw na.

Gayunpaman ay binati rin siya nito pabalik. Hinawakan ni Mr. Natividad ang kamay ni Louis at itinuro ang harap ng palad niya na ilagay sa noo nito upang matuto ang binata na magmano sa nakatatanda. Nang matapos ito ay natawa lamang si Elaine habang nagsalita naman si Mr. Natividad, “Nawa'y pagpalain ka ng Maykapal, hijo,” sambit nito na tinanguan na lamang ni Louis dahil napahiya ito sa ama ng dalaga.

Lumapit naman si Kaizer sa ama ng dalaga at nagmano rin dito. Binigyan niya naman ng mapang-asar na ngiti si Louis dahil hindi nito alam ang paggalang sa matanda. “Kumusta ka po, Tito?” tanong niya. Hinawakan naman siya ng ama ni Elaine at sinabihan din ng sinabi nito kay Louis. Ang kaibahan lang ay inalok siya nitong maupo sa tabi ni Elaine na hindi nito ginawa kay Louis.

Mabuti na lamang ay nandoon ang ama ng binata upang sagipin siya sa nakahihiyang pangyayari. “Bakit hindi natin pag-usapan ang nalalapit na kasal nina Elaine at Louis sa aming private resort?” tanong nito sa kanilang lahat na kaagad sinang-ayunan ng asawa nito. Napabuntonghininga si Kaizer dahil tsansa na sana niyang makatabi si Elaine, pero bigla na lamang nag-aya ang tito niya out of nowhere na parang ayaw siya nitong tumabi siya sa dalaga.

“Tamang-tama ang pag-aaya mo, honey. Napakainit nga ng panahon ngayon. Mas mabuti na rin ’yan upang maka-bonding natin nang lubusan si Elaine at ang ama niya. Ito ay kung ayos lang sa ’yo, amigo?” tanong ng ina ni Louis habang nakangiti ito na nakatingin kay Mr. Natividad. Hindi naman na nag-isip ang ama ng dalaga at pumayag na lamang dahil wala rin naman siyang magagawa lalo na’t nakatakda na ang kasal ng dalawa hindi pa man ito ipinanganganak. Ang tanging kailangan na lamang niyang gawin ay siguraduhin na nasa mabuting kamay ang anak niyang si Elaine.

“Mabuti naman kung ganoon. Tamang-tama rin ang araw na ito upang maglipat ng mga damit si Elaine dito sa mansion ng aking anak,” sambit ng ginang na ngumiti kay Louis na parang sinasabi na “I got you.” Sadyang kaygandang magkaroon ng magulang na ililigtas ka sa nakahihiyang moment.

“Kailangan ba talaga ngayon maglipat si Elaine, Tita? Hindi ba puwedeng pagkatapos na ng kasal nila ni Louis? Baka kasi nami-miss niya ang lugar nila,” singit naman ni Kaizer na nagkakamot ng ulo. Iniisip niya kasi ang ama ng dalaga na mawawalan ng kasama sa apartment sa oras na lumipat ang dalaga.

“Ano ka ba, hijo. Syempre naman dahil kailangan mas magkakilala nina Elaine at Louis dahil nalalapit na ang kasal nila. Isa pa, mas mapoprotektahan siya kung dito siya tutuloy. Alam mo naman ang pamilya natin, maraming kaaway. Paano na lamang kung bigla siyang atakihin sa apartment na tinutuluyan nila? Edii wala tayong magagawa para mapuntahan siya kaagad? Sana naman ay hindi mong masamain ang intensiyon ko, Kaizer. Kapakanan lamang ni Elaine ang iniisip ko,” wika ng ginang. Agad naman itong kumuha ng tubig upang uminom dahil sa napakahaba nitong sinabi kaya parang nag-dry ang lalamunan niya.

“Hayaan mo, hijo. Alam kong gusto mo lang protektahan si Elaine. Tama naman si Hacel, mas maganda kung dito mananatili ang anak ko para mabawasan ang pag-aalala ko tungkol sa kaligtasan niya,” wika ni Mr. Natividad. Bakas sa boses niya na hindi siya sang-ayon na mahiwalay sa kaniya ang nag-iisang dalaga niya, ngunit ito lang ang bukod tanging option na masisigurado niyang mapoprotektahan si Elaine, dahil kahit saan siya magtungo ay may mga guard na nakapalibot sa kanila. Hindi lang iyon, mukhang hindi pababayaan ng mapangangasawa nito si Elaine dahil wala pa ngang sampung minuto na sinabi ng ina niya na may nangyaring masama sa dalaga ay umuwi agad ito upang masigurado ang kalagayan ni Elaine. Sa ipinakita pa lamang ng binata ay namangha na siya rito, ngunit hindi pa rin niya ibibigay ang kaniyang buong tiwala dahil anak niya ang nakataya sa bagay na ito.

“Kung ganon ay maaasahan mo ang aking anak sa bagay na ’yan. Mauuna na kami sa aming private resort. Hayaan ninyong si Louis na ang sumama sa inyo upang tulungan si Elaine na maglipat ng gamit,” wika ng ina ng binata. Kumaway ito sa kanila upang magpaalam at tuluyan nang umalis sakay ang kotse na dala-dala nila.

Naiwan naman ang apat sa living room. Naputol ang katahimikan nang magpresinta si Kaizer na siya na ang magda-drive na sinang-ayunan ni Mr. Natividad. 

Tahimik lamang sila sa biyahe.

Nagsalita ang ama ni Elaine upang makausap si Louis, “Ikaw ba ay seryoso sa anak ko?” tanong nito habang nakatingin sa binata na huwag magkakamali ng sagot. Nasa pagitan nila si Elaine na agad hinawakan ang ama niya sa braso upang pigilan ito na magtanong. Ngumiti lamang si Louis at agad na sumagot upang bigyan ng assurance ang ama ng dalaga.

“Seryoso po ako kay Elaine. Isa pa, never have I thought that this marriage is only for the sake of the deal. I’m trying to connect with her so we could get to know each other,” wika ni Louis. Napatango na lamang sa ama nito na nagbigay ngiti sa dalaga.

“Mabuti kung ganoon. Huwag mo lang sasaktan ang anak ko, sinasabi ko sa ’yo. Ilalayo ko ang aking anak sa ’yo sa oras na mangyari ’yon,” babala nito kay Louis na ikinatango na lamang niya.

Hindi niya alam kung bakit siya naging ganito: ang maging mabait para hindi ma-disappoint sa kaniya ang isang babae. Hindi ito gagawin ng dati niyang sarili, ngunit habang tumatagal ay nag-iiba ang pananaw niya. Marahil ay nagugustuhan niya ang dalaga. Sana lang ay hindi magbago ang pagtingin niya rito dahil lang sa isang bagay.

Ang pinakaayaw niya kasi ay nasisira ang tiwala niya. Hindi niya mapatatawad ang sarili kung nagkamali man siya ng desisyon na ibigin ang dalaga.

Nang makarating sila sa apartment ay sinalubong sila ni Mang Pedro na nakasuot ng pulang lipstick. “Aba, napakaguwapo naman ng kasama ninyo,” wika nito. Hindi naman ito pinansin ni Louis kung kaya’t hinampas siya nito sa likod ng pamaypay na hawak.

“At saan ka pupunta, pogi?” tanong nito. Nakataas ang isang kilay niya.

Sinamaan siya ng tingin ni Louis sa ginawa niya. “I don’t owe an explanation to you,” wika ni Louis na ikinapikon ni Mang Pedro. Humarang naman ito sa daraanan niya, nagsalita si Mr. Natividad upang paalisin ito sa daan.

“Siya nga pala ang mapapangasawa ng anak kong si Elaine. Narito siya upang tulungan ang anak kong maglipat ng gamit sa magiging bahay nila,” nakangiting sambit nito na ikinanganga ni Mang Pedro.

“Ang suwerte naman ng anak mo. Laging puro guwapo ang dinadala rito sa apartment. Baka naman bigyan niya ako ng isang afam,” sagot ng matandang bakla na ikinatawa na lamang nila. 

“O siya, nandito ka rin pala, hijo. Baka gusto mong tayo na lang ang mag-date?” sambit ni Mang Pedro na nagpapa-cute pa kay Kaizer na nasa likuran ng mag-ama. Agad lamang itong tumakbo patungo sa loob ng apartment. Hinabol ito ni Mang Pedro. Sa totoo lang ay kasing-edad na ito ng ama ni Elaine, pero kung kumilos ang matanda ay mas maharot pa sa mga teenager.

“Tayo’y magtungo na rin sa loob,” wika ni Elaine. Nakita nila si Kaizer na may dalang walis tambo habang nilalapitan ito ni Mang Pedro nang dahan-dahan. Tumikhim si Mr. Natividad dahilan upang tumigil ang matandang bakla sa ginagawa nito.

“Ano ba naman ’yan. Kaunti na lang ay mahahalikan ko na ang guwapong binata na ito. Panira talaga kayo!” pagmamaktol nito na parang batang inagawan ng kendi. Wala dapat silang sayangin na oras dahil kailangan pa nilang magtungo sa private resort ngayong araw.

“Pwede bang bigyan mo muna kami ng privacy, Mang Pedro?” tanong ni Elaine na ikinairap ng matanda.

Binigyan lamang sila nito ng pilit na ngiti at nagsalita, “O siya, dadalhan ko na lang kayo ng meryenda,” wika nito. Bago ito umalis ay nag-flying kiss pa ito kay Kaizer na halos masuka sa ginawa ni Mang Pedro. Hindi niya akalain na pati siya ay balak nitong landiin na never niyang papatulan.

Nang makaalis ito ay nakahinga naman nang maluwag si Kaizer na ikinatawa ni Elaine. “Ayos ka lang ba?” tanong ng dalaga. Nakaisip naman ng kapilyuhan ang binata upang asarin si Louis.

“Siyempre naman. Kaharap ko kaya ang pinakamagandang dalaga sa buong mundo,” wika ni Kaizer at ginaya ang pagfa-flying kiss ni Mang Pedro. Biglang may lumipad na tsinelas galing kay Louis ang tumama sa mukha niya.

“Balak mo bang sirain ang napakaguwapo kong mukha?” asik nito. Akmang susugurin na sana niya ang pinsan ng pigilan siya ni Elaine.

“Tama na nga ’yan. Kayong dalawa talaga, para kayong mga bata!” pangaral ng dalaga habang nakapamaywang pa. Nagmukha itong guro na nagsesermon sa kaniyang dalawang makulit na estudyante dahil sa suot nitong salamin na ikinatigil ng dalawa.

“Okay, fine. Ako ang tutulong sa ’yo na mag-ayos ng mga gamit mo,” wika naman ni Kaizer.

Agad na sumabat si Louis sa usapan. “If there’s someone who should help my wife, it’s me. Not you, dickhead,” singhal naman ni Louis at mas lalong tumaas ang tensiyon nang higitin ni Kaizer si Elaine. 

Napatikhim naman si Mr. Natividad na ikinatigil nilang dalawa. Agad itong humarap sa kanila at parehas na hinawakan ang mga braso nito papunta sa labas.

“Hindi ko kayo papapasukin hangga’t hindi kayo nagkakasundong dalawa!” panenermon nito sa kanila. Natutuwa naman si Elaine sa nasaksihan nila. Parang noong una lang ay halos isumpa na niya si Louis dahil sa ugali nito. Ngayon ay parang naging maamo itong tupa sa harap ng kaniyang ama.

“Elaine, baby, tulungan mo naman ako rito,” paglalambing ni Kaizer na agad ikinakunot ng noo ni Louis. Hindi niya alam, pero parang gusto niyang patayin ang pinsan dahil sa panghaharot nito sa mapangangasawa niya.

“Baby my ass. Don’t you know how to f*ck off? I will tell this to you once, Elaine is mine,” seryosong wika ni Louis. Hindi naman siya pinansin ni Kaizer at patuloy pa rin sa pagtawag nang ganoon sa dalaga.

Binunot niya ang baril na ikinagulat ni Mang Pedro na may dalang biscuit at coke. “Ay, ang laki,” sigaw nito na ikinatingin ng mga kapitbahay. Siguradong mabilis kakalat ang isyu kung makikita ng mga tsismosa nilang kapitbahay ang tungkol sa dalang baril ni Louis kung kaya’t agad itong pinuntahan ni Elaine.

“Louis, put your pistol down. Kung may makakakita niyan, siguradong magsusumbong ito sa mga pulis,” wika ng dalaga. Umiral naman ang kapilyuhan ng binata. Mas lalo niyang itinaas ang baril niya. “Please, put it down!” pagmamakaawa ni Elaine.

Nagsalita si Louis, “I will put it down if you can kiss me in front of Kaizer,” saad nito. Hiya ang namayani sa buong katawan ni Elaine.

Nagdadalawang-isip ang dalaga kung gagawin niya ang bagay na iyon. Seryoso namang nakatingin sa kaniya si Kaizer na parang hinihintay kung gagawin ba nito ang sinasabi ni Louis. May tiwala siya kay Elaine, ngunit nagulat siya nang dahan-dahan itong tumingkayad at binigyan ng damping halik ang binata na ikinatalikod niya.

Gustong-gusto niya ang dalaga, pero mukhang may nagustuhan na itong iba na ikinadudurog ng puso niya. Ang akala niya ay may gusto sa kaniya si Elaine, mukhang nagkakamali siya. One sided lang pala ang nararamdaman niya. 

Agad namang nagsalita si Mang Pedro at humarap din kay Kaizer. “Ikaw ba, baby boy, gusto mo rin ba ng halik ko?” pang-aasar nito kay Kaizer na agad ikinatakbo nito. Ibinigay naman ni Mang Pedro ang dala niyang meryenda kay Elaine at agad na hinabol ang binata.

Namayani ang awkwardness sa pagitan nina Louis at Elaine dahil sa ginawa nila. May lumapit sa kanilang isang babae. “Aba, nakahanap ng foreigner ang pulubing kagaya mo. Akala ko ay habambuhay ka nang maninirahan sa isang squatter area,” wika ni Karen. Balingkinitan ang dalaga at kasing-edad lamang ni Elaine. 

Matagal nang may galit ang dalaga kay Elaine dahil sa pagiging honor nito sa school. Hindi lang iyon, naiinggit siya rito dahil lagi itong kasama ni Kaizer. Ayaw niyang nakikita na umaangat ang dalaga kaya lagi niya itong binu-bully sa tuwing dumadaan ito sa lugar nila.

“Excuse me lang, Karen, pero mag-aayos pa kami ng gamit ng mapapangasawa ko,” sambit ni Elaine. Agad namang hinawakan ng dalaga si Louis sa braso nito na ikinatigil nito.

“Mas nababagay kang sumama sa akin. Paliligayahin kita kahit sa kama. Diyan lang ang bahay ko.” Turo nito sa isang hindi kalakihan na bahay malapit kina Elaine. Tiningnan lamang siya ni Louis at tinanggal ang pagkakahawak niya.

“I don't date sluts,” wika ni Louis habang inalalayan si Elaine papasok ng bahay nito. Hindi naman maitago ang ngiti ng dalaga dahil sa ginawa ng binata. Ito na yata ang pinakanakakakilig na ginawa sa kaniya nito.

Hindi naman nagpatinag si Karen at agad sinabunutan si Elaine na ikinalaglag ng salamin nito. “Hindi mo deserve magkaroon ng poging asawa!” sigaw nito sa dalaga. Kinuha naman ni Louis ang kamay nito sa buhok ni Elaine at agad itong itinulak dahilan para tumama ang puwetan nito sa matigas na sahig.

“Bakit mo ako tinulak, ha? Kilalanin mo ang binabangga mo dahil ako lang naman ang anak ng mayor dito. Kaya sa ayaw at gusto mo ay ako ang pakasalan mo, huwag ’yang impokritang babae na ’yan!” singhal ni Karen. Ang mga ugat niya sa sentido ay halos pumutok na dahil sa galit.

Napaiyak naman si Elaine dahil sa sakit ng pagkakasabunot nito. Lumabas naman ang ama niya nang marinig ang nangyari na ikinatigil nito. “Ano’ng ginawa mo sa anak ko?” tanong ni Mr. Natividad nang makita ang buhok ng dalaga na buhaghag na dahil sa pagsabunot dito ni Karen.

“Then call your dad. As if I will get scared. Remember this, woman,” asik ni Louis habang dahan-dahang hinihila ang buhok ni Karen na ngayon ay nakaupo pa rin sa sahig.

“Ano ba, nasasaktan ako!” reklamo ng dalaga. Hindi maalis sa isipan ni Louis ang ginawa ng dalaga kay Elaine at halos gusto na niya itong saktan nang pigilan siya ng dalaga.

“Please, Louis, pakawalan mo na lang siya,” pagmamakaawa ni Elaine na ikinabuntonghininga niya. Sadyang napakabuti ng mapangangasawa niya. Ginawan na ito nang masama, ayaw pa rin gumanti.

“If you ever lay a hand on my wife again, I assure you that my bullet will go directly in your head. Mark my words,” wika niya at tinanggal ang pagkakahawak sa buhok nito. Agad naman siyang pinuntahan ng ama ni Elaine upang magpasalamat sa ginawa nitong pagpoprotekta sa anak niya.

“It’s my duty as her husband,” sambit ni Louis. Binuhat niya naman si Elaine patungo sa kuwarto nito upang gamutin ang naging sugat nito sa tuhod nang sabunutan siya ni Karen.

Medyo may kasikipan ang kuwarto kumpara sa nasa mansion, pero sakto lang para sa dalawang tao. Ibinaba niya ang dalaga sa kama. Iniabot naman ni Mr. Natividad ang first aid kit kay Louis. Nagpasalamat niya rito.

“Are you okay, wife?” tanong niya sa dalaga. Tumango lamang ito habang dahan-dahang kinuha ang isang album na nasa ilalim ng kama niya.

“Does that woman always do this to you?” dagdag niya pang tanong. Nanatiling tahimik na lamang si Elaine. Unti-unting pinahiran ni Louis ang sugat nito ng betadine. Nang malagyan niya ito ng Band-Aid ay tumabi siya sa dalaga upang tingnan ang ginagawa nito.

Larawan ito ni Elaine noong siya ay bata pa. Nagulat si Louis nang makita ang isang babae na pamilyar na pamilyar sa kaniya. Dahil ang babaeng ito ay ang laging nasa panaginip niya.

Ang babaeng una niyang pinagkatiwalaan. Ang babaeng unang nagbigay sa kaniya ng pagkabigo.

Ang babaeng ito ay ang . . . .