Gun XV

“Susunod na lang kami, Kai,” sambit ni Elaine. Yumakap sa kaniya pabalik si Louis na parang ayaw nitong umalis sa posisyon nila ng dalaga.

“Okay, sige, but make it quick,” sagot ni Kaizer na kaagad ikinabuntonghininga ni Elaine dahil masakit pa rin ang mga hita niya. 

“Hey, let’s have a shower before going to the restaurant,” wika ni Louis. Tumaas ang kaliwang kilay niya dahil hindi nga siya makatayo dahil sa nangyari sa kanila.

“Wife, are you okay?” tanong ng binata dahil hindi ito sumunod nang tumayo siya. Kaagad naman siyang inirapan ni Elaine na ikinagulat niya.

“Mukha ba akong makatatayo sa posisyon na ito?” sarcastic na tanong ng dalaga. Napatingin naman si Louis sa kaniya dahil sa pagtataka kaya wala siyang nagawa kundi sabihin ang dahilan dito. “Masakit ang mga hita ko dahil sa laki ng alaga mo!” reklamo nito sa kaniya at tinakpan pa ang mukha dahil sa hiya.

Kaagad naman siyang binuhat ng binata habang tumatawa-tawa. Elaine pouted. “Anong nakakatawa sa sinabi ko?” tanong niya rito, ngunit hinalikan lang siya nito sa labi.

“Stop pouting. I can’t control myself to kiss you when you’re doing that,” wika ng binata. Kaagad naman niyang tinakpan ang labi niya dahil sa sinabi nito.

Mabuti na lamang at may bathtub ang silid na ibinigay kay Elaine. Kung sabagay, tito ni Louis ang may-ari ng hospital kaya ibibigay sa kanila ang pinakamagandang silid.

“Round two?” pabirong tanong ng binata habang hinahalik-halikan ang batok ng dalaga. Sinamaan siya nito ng tingin na ikinatawa niya. “Chill, wife,” sambit ni Louis habang sinasabon ang likod ni Elaine. Mukhang sumasakit talaga ang pagkababae nito.

“Should I call a doctor?” nag-aalalang tanong ni Louis, ngunit sumagot ng no ang dalaga dahil nahihiya ito na may makaalam sa ginawa nila.

Makalipas ang mahigit tatlumpung minuto ay natapos na sila. Binihisan siya ng binata at binuhat siya nito papunta sa sasakyan. 

Nang magising siya kanina ay nasa tabi niya na si Louis, kaya’t nakampante siya na ayos na ang kalagayan nito. Mabuti na lang daw at hindi pa masyadong kumakalat ang poison sa katawan ng binata kaya nailigtas nila ito.

Pagkatapos ng mahigit sampung minuto ay narating na rin nila ang isang French restaurant kung saan sila magdi-dinner.

Naunang bumaba si Louis at binuksan nito ang pinto. Inilalayan siya nitong makababa. “Can you walk?” tanong ni Louis. Tumango na lamang si Elaine rito at sinubukang humakbang.

Medyo masakit ito, pero pinilit niyang maglakad nang diretso upang hindi mahalata na masakit ang bandang hita niya.

Kaagad naman siyang natanaw ng ama niya at naglakad ito papunta sa kaniya. “Anak, ayos lang ba ang pakiramdam mo?” tanong nito kay Elaine. Napatango na lamang siya at ngumiti nang pilit. 

Akmang yayakapin sana siya nito nang biglang tumikhim si Louis upang mapunta sa kaniya ang atensyon. “I'm sure that Elaine is hungry. Let’s go inside,” wika ni Louis na agad ikinatango ng ama nito.

Nagpasalamat naman ang dalaga kay Louis nang mahina. Dahan-dahan siyang napahawak sa braso ng binata upang hindi siya mawalan ng balanse habang naglalakad papasok ng restaurant.

Lumipas ang oras na puro pagkukuwentuhan lamang ang ginagawa nila. “Where’s Juliana and Alexa?” tanong ni Louis dahil nakapagtataka naman kung uuwi agad ang mga ito pagkatapos niyang paalisin.

“They’re at Tyron’s mansion. Ang sabi nila ay nagpapatulong ito tungkol sa isang bagay,” sagot ni Kaizer na ikinatango na lamang ni Louis. 

Mga ilang oras pa ay nagsimula nang magpaalam si Louis sa dalawa dahil sa Desire Island muna sila tutuloy ni Elaine.

“Ingat kayong dalawa. Kapag may nangyari sa anak ko ay hindi ko alam ang magagawa ko sa ’yo,” banta ni Mr. Natividad na kaagad ikinatango ng binata. Tiningnan naman siya ni Kaizer at pinakyuhan siya bago sila tuluyang umalis ng dalaga.

“Huwag kang magkakamali, Louis,” babala ni Kaizer na ikinakunot ng noo niya. 

Akmang babalik sana si Louis upang sapakin ang pinsan niya nang matapilok si Elaine dahilan upang mahawakan niya ang hinaharap nito.

Nanlaki naman ang mata nito. At bago pa siya nito masapak ay binuhat niya na ito nang pa-bridal style at tuluyan nang naglakad paalis sa restaurant.

Tahimik lamang si Elaine habang nasa biyahe at mayamaya pa ay nakatulog na ito. Napangiti na lamang si Louis habang tinitingnan ang dalaga na mahimbing na natutulog.

Huminto muna siya sa gilid upang ayusin ang higa nito. Kinuha niya ang kumot sa likod ng sasakyan at ipinatong ito kay Elaine. 

—

Nagising ang dalaga dahil sa sinag ng araw na tumatama sa mukha niya. Dahan-dahan niyang iminulat ang kaniyang mga mata at nakita si Louis na mahimbing na natutulog sa tabi niya. Hindi niya mapigilang mapangiti nang makitang masarap pa ang tulog ng binata. Tumayo siya upang magluto ng umagahan nilang dalawa. 

Natuwa siya nang makita ang kagandahan ng silid kung saan sila tumutuloy. Mukhang nandito na sila sa sinasabing Desire Island ni Louis. Binuksan niya ang bintana sa kusina at nakita ang mga taong dumadaan sa labas, habang ang iba ay mayroong bitbit na mga aso. Sana pala ay isinama nila sina Sherlock at Irene upang maipasyal, ngunit ibinilin ito ng binata kina Volstrige na iuwi sa mansion at paalagaan sa mga maid habang wala sila.

Binuksan niya ang ref upang tingnan kung may laman ito. Natuwa naman siya dahil sa dami ng laman nito. Kinuha niya ang itlog at bacon. Sinimulan niyang buksan ang gasul at nagsimulang magluto. 

Pakanta-kanta pa siya habang nagluluto nang biglang may yumakap sa kaniya mula sa likuran. “Good morning, wifey,” bati ng binata at ipinatong ang ulo sa balikat niya. 

Kaagad naman siyang napangiti sa binata at bumati rito pabalik, “Good morning!”

“What are you cooking? It smells delicious,” tanong ni Louis. Napangiti naman si Elaine sa sinabi nito. Ibinaling niyang muli ang tingin sa iniluluto na bacon dahil baka masunog ito.

“Eggs and bacon,” sagot niya. Tumango naman ang binata at naupo sa counter upang hintayin ang niluluto ni Elaine.

Kinuha niya ang takure at nilagyan ng tubig upang painitan ito. Abala ang dalaga sa pagluluto kung kaya’t siya na lang ang magtitimpla ng kape nilang dalawa.

Kinuha niya ang dalawang tasa at nilagyan ng kape. “Are you sure that you don’t want my help? Are your thighs now okay?” tanong sa kaniya ng binata na agad niyang ikinatango.

“That’s good to know, do you want to watch a football game?” 

Bigla naman siyang napaisip sa tanong nito, pero sinagot niya lamang ito nang may ngiti sa labi.

“Oo naman,” wika ng dalaga dahil mukhang masaya manood ng isang actual game ng isang sports.

Nang matapos magluto si Elaine ay sabay nilang pinagsaluhan ang niluto ng dalaga. “Uhm, ano sa tingin mo?” tanong nito dahilan upang ngitian siya ng binata at halikan sa noo.

“It’s delicious,” wika ni Louis at sinubukang ngumiti kahit na medyo maalat ang luto ni Elaine. Ayaw kasi niyang masaktan ang damdamin nito.

Makalipas ang ilang oras ay nagtungo na sila sa lugar kung saan gaganapin ang competition ng football game. Hindi ito masyadong malayo sa tinutuluyan nila kaya nakapunta sila kaagad.

Pagpunta nila ay marami nang mga tao ang nag-aabang kaya nahirapan sila humanap ng mauupuan. Karamihan ay puro couples ang nandoon. At dahil Valentine's Day ay rito nila mga naisipang mag-date.

Nang maupo silang dalawa ay kaagad siyang inabutan ng jacket ni Louis dahil medyo malamig sa loob.

Mayamaya pa ay nagpaalam ang binata na bibili lamang ito ng makakain para sa kanilang dalawa, pero ang hindi alam ng dalaga ay ihinahanda pala nito ang proposal nito para sa kaniya.

Napatango naman si Elaine kaya umalis na ito sa puwesto at tinawagan si Eros upang itanong kung ano nang nangyari sa pina-reserve niya.

“Hola amigo, ano ba’ng kailangan mo?” tanong nito. Naririnig niya sa kabilang linya ang ungol ng babaeng kasiping ng binata.

“What happened to my reservation?” galit na tanong ni Louis habang tinitingnan ang relo dahil kapag nagtagal siya ay baka hanapin na siya ng dalaga.

“Nakahanda na ’yon kahapon pa. Kayo na nga lang ang hinihintay ng mga tao ko,” wika ni Eros. Akmang magsasalita pa sana siya nang biglang umungol ang babaeng kasiping nito dahilan upang kumunot ang noo ni Louis at patayin ang tawag.

Isa lang ang gusto niyang marinig na ungol at iyon ay si Elaine habang sinasambit ang pangalan niya.

Nang bumalik siya sa loob ay nakita niya si Eron Coleman na kinakausap si Elaine. Kaagad na nag-init ang ulo niya nang makitang tumatawa pa ang dalaga habang kausap ito.

Dali-dali siyang lumapit dito at kaagad na tumikhim upang makuha ang atensyon ng dalawa. Napatingin naman sa kaniya si Elaine. “Nandito ka na pala, Louis,” sambit ng dalaga. Tiningnan naman siya ni Eron na may halong pang-aasar.

“Kaano-ano mo si Louis Montemayor?” tanong ni Eron. Akmang sasagutin na sana ito ng dalaga nang bigla itong pigilan ni Louis.

“She’s my wife, so don’t f*cking try to get near her,” wika ng binata at hinila palayo si Elaine. Nagulat siya nang bigla itong tanggalin ng dalaga.

“A-Ano ba, Louis. Nasasaktan ako,” nauutal na wika ni Elaine dahil masyadong mahigpit ang pagkakahawak nito sa kanang kamay niya. 

Nang humarap sa kaniya si Louis ay agad itong tumingin sa kaniya habang nanlilisik ang mga mata nito. “What do you think you're doing with him, huh?” asik nito na parang nagseselos dahil kausap niya si Eron.

“Kinausap niya lang naman ako para—” Magsasalita pa sana ang dalaga nang bigla itong pigilan ni Louis.

Naguguluhan siya kung bakit ganoon na lang magalit ang binata kung ito ang nagbibigay sa kaniya ng katanungan kung ano ba talaga sila?

“Tss. I don’t want to hear anything you’ll say,” sambit ng binata at nagsimula nang humakbang palayo sa kaniya.

Akmang hahabulin niya na sana si Louis nang bigla siyang pigilan ni Eron.

“Elaine,” tawag nito. Nagulat na lamang siya nang makita niya si Louis na may kausap na babae. Nilalapit nito ang katawan sa binata na parang inaakit ito. 

Akmang susugurin niya sana ang babae nang ma-realize niya na wala nga pala siya sa posisyon upang pigilan kung sino ang dapat harutin ni Louis dahil wala naman silang label.

At isa pa, magiging asawa lang naman siya nito dahil sa kagustuhan ng magulang ng binata.

Kaya bakit pa?