Chapter 6

Chapter 6

Eloise POV

"Beshy, uuwi na ako pero kapag nagkaproblema ka tawagan mo lang ako ha," bulong sa akin ni Rose saka siya tumingin sa biyenan ko na prenteng nakaupo sa sofa. "Huwag kang magpapatalo sa mother-in-law mo ha."

"Ssh, ano ka ba baka marinig ka. Alam mo naman na hindi pa nga kami gaanong okay eh," saway ko naman sa bestfriend ko dahil baka mamaya ay marinig niya kami. Mamaya ay pag-initan nanaman niya ako, mahirap na. "Hatid na kita sa may pintuan. Huwag ka na mag-alala sa akin."

"Basta alam mo naman na isang tawag mo lang sa akin ay pupuntahan kita agad," sabi pa ni Rose pagkatapos ay nagyakapan kaming dalawa saka ko siya hinatid sa may pintuan. Bumuntong hininga muna ako bago ako bumalik sa sala.

"Ma, nagugutom po ba kayo? Gusto niyo bang ipagluto ko kayo?" alok ko sa kanya.

"No thanks, nag-order na ako ng pagkain. Pakihanda na lang ng plato dahil maya-maya ay paparating na iyon," napatango naman ako sa sinagot sa akin ni mama saka ko sinunod yung sinabi niya.

Kakatapos ko nga lang ihanda ang mga plato sa mesa ay may nag-doorbell na nga kaya naman dali-dali ko binuksan ang pintuan. At tama nga dahil nandito na nga yung mga pagkain na inorder ni mama.

"Ma, nandito na po yung mga pagkain na inorder niyo," medyo nilakasan ko ang boses ko para marinig niya.

"Pakidala na lang dito Eloise, gutom na ako eh," nandoon na pala siya sa dining room.

"Sige po kuya, thank you po," sabi ko kay manong na nagdeliver, mabuti na lang dahil bayad na pala ang mga ito.

Inilapag ko na nga sa lamesa ang pagkain at kakaupo ko pa lang ay napansin ko nakatingin sa akin ang mama ni Xander kaya naman bigla akong nahiya at napansin naman niya iyon.

"Pasensya ka na Eloise ha, hindi ko ba nasabi sa 'yo na para sa akin lang itong naorder ko? Marunong ka namang magluto hindi ba? Luto ka na lang ng iyo," pakiramdam ko ay mas lalo akong napahiya dahil inakala ko na dinamay na ako ni mama sa inorder niya.

"Ayos lang po ma," pilit na ngiti ko sa kanya kahit na nababanguhan ako sa amoy ng pagkain na kinakain ni mama ngayon pakiramdam ko ay maiiyak ako.

Ganito ba talaga kapag nagbubuntis ang isang babae?

Halata namang mamahalin yung pagkain na inorder niya. Hindi naman ako ganito dati dahil hindi ako agad natatakam sa mga pagkain lalo na kung alam ko na mahal ito. Pero kasi ngayon na buntis ako ay nababanguhan talaga ako sa inorder ni mama na pagkain kaya hindi ko maiwasan na hindi lumingon sa kanya habang nakain siya.

Mas pinili ko na lang na magluto ngunit nang maamoy ko ang bawang ay doon naman ako napaduwal. Kaya naman lumapit ako agad sa sink para maisuka ko saka ko narinig na nagsalita si mama.

"Gosh Eloise! Nakakadiri ka! Alam mo naman na kumakain ako eh!"

"S-sorry po mama," utal na sagot ko sa kanya.

"Pwede ka naman pumunta sa banyo para doon magsuka! Nakakawalang gana na tuloy kumain!" sigaw pa rin niya.

"Ma, anong ginagawa niyo dito? Saka bakit niyo sinisigawan si Eloise? Kita niyo na nga na nagsusuka na siya eh," mabuti naman at nandito na si Xander. Naramdaman ko na hinihimas niya ang likod ko habang nagsusuka pa rin ako. Grabe, ganito pala kapag buntis.

"Paano yang asawa mo, alam naman niyang kumakain ako dyan pa sa sink sumuka! Gross!” sabi ni mama at narinig ko na padabog niyang binitawan ang kutsara sa plato.

“Ma, kita niyo naman na buntis si Eloise. Maghinay-hinay naman po kayo.”

“Xander, okay lang ako,” sabi ko pagkatapos ko na magmumog.

“Tss, whatever, dyan na nga kayo!” sabi naman ni mama na siyang ikinailing ni Xander.

“Okay ka na ba? Teka, nagluluto ka ba? Anong oras na hindi ka pa rin nakain? Akala ko ba pumunta si Rose dito?” tanong sa akin ni Xander.

“Oo, pumunta siya pero umuwi rin siya dahil biglang dumating si mama. Nagugutom ka na ba? Pasensya na ha, hindi pa ako nakakpagluto dahil nang maamoy ko ang bawang ay nagsuka naman ako tuloy ay nawalan ng gana si mama na kumain,” sabi ko na lang kay Xander.

“Hayaan mo siya hon, siya naman ang nagpunta dito nang walang pasabi. Mag-oorder na lang ako, ano ba ang gusto mong pagkain hon?” tanong sa akin ni Xander pero nahihiya ako na sabihin sa kanya dahil alam ko naman na mahal naman talaga ang pagkain na iyon ang tanging nagawa ko na lang ay sulyapan ang pagkain na kinakain kanina ni mama at hindi ko alam na napansin pala iyon ni Xander.

“Alam ko na ang gusto ni baby,” natatawang sabi ni Xander sa niya ako sinubukan na halikan sa aking labi.

“Wait lang Xander, hindi pa ako nagto-toothbrush eh kakasuka ko lang,” nahihiya kong sabi habang pinipigilan ko siya.

“I don’t care, ano naman,” dahil doon ay nabigla ako sa kanyang sinabi kaya naman wala na akong nagawa at n*******n na nga ako ng aking asawa sa aking labi at dahil doon ay nawala naman ang hiya ko.

Pagkatapos no’n ay nag-order na nga si Xander ng aming makakain. Dinamay na rin niya sa order ang kanyang mama dahil sinabi ko dahil baka mamaya ay magutom iyon. Nakakahiya naman kung kami lang dalawa ang kakain. Maya-maya nga ay dumating na ang pagkain.

“Masaya akong makitang nakangiti ka na ngayon,” napatingin naman ako kay Xander na kanina pa pala ako pinagmamasdan habang kumakain ako.

“Sorry ha, ngayon lang kasi ako nakakain ng ganito tapos medyo nahihiya pa ako dahil ang mahal nito pero alam mo ba na ang saya-saya ko ngayon. Siguro ganito talaga ang nagbubuntis no?” hindi ko alam pero naiiyak talaga ako sa mga oras na ito pero pinunasan naman ni Xander ang luha ko.

“Kung ano man ang gusto mo ay dapat sabihin mo sa akin dahil asawa mo na ako. Isa pa ay dalawa na kayo ni baby ang dapat ko na alagaan, kung ano man ang gusto niyo ay dapat na ibigay ko hindi ba? Kaya huwag ka na mahihiya okay?” mas lalo lang akong napaiyak sa sinabi ni Xander pero talagang nakikita ko ang pag-aalala sa kanyang mukha.

“Huwag kang mag-alala dahil simula ngayon ay hindi na ako mahihiya sa’yo hon,” nakangiti ko na sabi sa aking asawa at nagulat na lang ako dahil nilagay niya sa plato ko ang pagkain niya. “Ha. Teka paano ka? Saka ang dami na nitong akin eh.”

“Nabubusog na ako habang nakikita kitang kumain, sige na kain na kayo ni baby. Mamaya na lang ako kakain.” ramdam ko ang pamumula ng mukha ko nang kindatan niya ako habang nakangiti siya ng pilyo dahil alam ko naman ang kanyang ibig sabihin.

“P-pilyo ka talaga.”

Kakatapos lang namin kumain ni Xander nang lumabas si mama sa aming kwarto at doon na nga siya kinausap ni Xander.

“Ma, ano po pala ang ginagawa nito dito? Alam niyo naman na honeymoon namin ito ni Eloise,” ramdam ko ang pagkairita sa boses ni Xander kaya naman hinawakan ko siya sa kanyang kamay at dahil doon ay napatingin siya sa akin saka ngumiti.

“Ano naman kung honeymoon niyo? Eh sa nalulungkot ako sa mansyon dahil ako lang mag-isa doon,” palusot ni mama kaya naman napabuntonghininga na lang si Xander.

“Ma naman, we need privacy po. Iisa lang ang kwarto sa suite na ito dahil ang buong akala ko ay kaming dalawa lang ni Eloise dito saka mama, honeymoon nga po namin ito. Noong honeymoon niyo po ba ni papa ay pumunta po ba doon sina grandpa at grandma at ginanito kayo?” hindi naman nakasagot si mama sa sinabi ni Xander pero alam ko na hindi niya iyon nagustuhan. “See mama.”

“Xander, maghinay ka mama mo pa rin siya,” pagpapakalma ko sa kanya pero tinignan niya lang ako ng masama.

“Dapat ay solo lang natin ang honeymoon na ito Eloise, kakatapos lang ng kasal natin.”

“Hindi ba dapat pinagpapahinga mo si Eloise dahil nga buntis na siya? Bakit mo pa siya sosolohin eh nakabuo na nga kayo ng palihim habang hindi pa kayo kasal!” nahiya tuloy ako dahil sa sinabi ni mama sa amin kaya naman napayuko na lang ako.

“Ma, huwag naman kayo magsalita ng ganyan. Parang binabastos niyo naman ho kami niyan. Hindi na po kami mga bata nasa tamang edad na po kami,” pangangatwiran ni Xander.

“Kaya naman isasantabi mo na lang ang nararamdaman ng mama mo?” nagulat na lang ako nang makita ko na hihimatayin si mama kaya naman agad akong pumunta sa kanya upang alalayan siya. “Porket nakapangasawa ka na ay gaganituhin mo na ako?”

“Xander tama na,” saway ko ulit sa kanya.

“Hayaan mo siya halata naman na nagkukunwari lang siya. Ganyan naman iyan sanay na ako,” dahil sa sinabi ni Xander na iyon ay napaupo na lang si mama sa sofa.

“Pakiramdam ko yata ay aatakehin na ako sa puso sa pinagsasabi mo Xander.”

“Xander naman,” pagmamakaawa ko sa kanya. “Halika mama doon po muna kayo sa kwarto para makapagpahinga. Sorry po sa mga sinabi ni Xander.”

Inalalayan ko na nga si mama papunta sa kwarto namin ni Xander. Nag-alala kasi ako at naawa rin sa kanya, alam ko naman na namimiss niya lang naman si Xander kaya niya nagawa ito. Magiging nanay na rin ako kaya naman dapat na maintindihan ko si mama.

Nang makapasok na kami sa loob ng kwarto at nang makahiga na si mama ay nagulat na lang ako sa kanyang sinabi dahil hindi ko inaasahan na marinig iyon mula sa kanya.

“Eloise, hija, sorry ha.”