Chapter 3

Chapter 3

Eloise POV

“Are you out of your mind, Xander? Papakasalan mo ang babaeng iyan?” narinig kong sigaw ng mama ni Xander habang nag-uusap sila sa may sala nila samantalang ako ay naiwanan dito sa dining area dahil kakatapos lang namin mananghalian.

Dinala kasi ako ni Xander sa kanilang mansyon upang umamin sa mama niya na magkakaanak na kaming dalawa at papakasalan na niya ako. Pero mukhang hindi natuwa doon ang kanyang mama kaya naman sinisigawan niya ngayon ang anak niya na boyfriend ko. Alam ko naman na noon pa man ay ayaw sa akin ng kanyang mama dahil sa estado ng aking buhay, mahirap lang ako at mayaman sila.

“Ma, please lower your voice, naririnig tayo ni Eloise. Makakasama po sa baby namin ang ma-stress siya,” rinig ko naman na sabi ni Xander sa kanyang mama. Nakaramdam tuloy ako ng lungkot dahil doon.

“Wala akong pake kung marinig niya man o hindi. Basta hindi ako papayag na maikasal ka sa kanya. Hindi mo nga alam kung sa ‘yo ba talaga ang batang dinadala niya! Baka nga sa iba iyan at ipinapaako niya lang sa ‘yo!” Napatayo naman ako sa narinig ko mula sa mama ni Xander, hindi naman na siguro tama na pag-isipian niya ako ng gano’n. Alam ni Xander na siya ang ama ng dinadala ko.

“Mawalang galang na po, pero hindi po ako gano’ng babae. Opo, mahirap po ako pero hindi ko isusuko ang sarili ko sa taong hindi ko naman mahal at gano’n na lang basta-basta. Sorry Xander, uuwi na lang ako. Sumama kasi ang pakiramdam ko eh,” hahakbang na sana ako kaso hinawakan naman ni Xander ang braso ko para pigilan niya ako.

“Ihahatid na kita babe, baka kung mapaano pa ang anak natin na hindi ko hahayaan na mangyari,” sabi ni Xander saka niya tinignan ang kanyang mama pero inirapan lang siya ng kanyang ina.

“Wala ka na talaga sa katinuan mo Xander. Kahit ipagpilitan mo ang gusto mo hindi mo magagawa iyon, baka nakakalimutan mo may kapangyarihan pa din ako sa kumpanya kahit ikaw pa din ang CEO nito,” pananakot ng ina ni Xander sa kanya.

“Enough ma! Kung gusto niyo ay inyo na ang kumpanya at ang mga namana ko mula kay papa, basta papakasalan ko pa din si Eloise at bubuo kami ng masayang pamilya. At hindi ko kokontrolin ang magiging anak namin ni Eloise sa mga bagay na gusto nila lalo na at doon sila masaya,” nanlambot naman ang puso ko dahil sa sinabi ni Xander. “Let’s go babe.”

“Makakaya mong iwanan ang ina mo para jan sa walang kwentang babaeng iyan!”

”Oo mama, sumusobra na kasi kayo, mula pagkabata ko ay sinusunod ko kayo. Pero this time ma, kaligayahan ko naman ang susundin ko. Aanhin ko ang mga kayamanan natin kung hindi ko naman makakasama ang babaeng mahal ko at ang anak namin. Ma, magkakaanak na ako, magkakaapo ka na. Sana man lang maging masaya ka na lang para sa akin at sa magiging pamilya ko.”

Hindi ko maiwasan na maalala ang mga sinabi ni Xander kanina sa kanyang mama. Parang gusto ko tuloy ma-guilty dahil alam ko na wala na kasama ang mama ni Xander sa kanilang mansyon tapos ay iiwanan pa siya ni Xander dahil ako ang pinili niya. Wala na kasi ang ama niya kaya naman sila na lang ng kanyang mama ang nakatira sa mansyon nila bukod sa mga kasambahay nila. Pagkatapos sabihin iyon ni Xander ay inaya na niya ako na ihahatid na niya ako sa dorm. Habang siya ay sa condong iniregalo sa kanya ng papa niya muna tutuloy. Napatingin ako dahil nag-park si Xander sa gilid ng kalsada sa may safe area.

“Babe? Kanina ka pa walang kibo, ayos ka lang ba? Si baby?” malambing na tanong sa akin ni Xander pagkatapos ay hinawakan niya ang kamay ko.

“Don’t worry babe, I’m fine, maging ang baby natin,” sagot ko sa kanya at ngumiti ako para masiguro ko sa kanya na maayos lang talaga ako. Inilagay ko pa ang kamay niya sa may bandang tyan ko para maramdaman niya din na ayos lang din ang anak naming dalawa.

“Pasensya ka na sa sinabi ni mama kanina ha, huwag mo na intindihin iyon. Huwag kang mag-alala babe, hindi ko kayo pababayaan ng anak natin,” sabi pa niya saka niya hinaplos ang ang tyan at dumako ang kamay niya sa aking pisngi na siyang ikinangiti ko.

“Nag-aalala lang ako sa mama mo, tumatanda na siya kaya kailangan mo din siyang alagaan. Kahit pagbaliktarin natin ang mundo, siya pa din ang ina mo. Kaya huwag mo siyang iwan okay?”

“Sa condo muna ako babe, gsto ko lang marealize ni mama na may sarili na akong buhay. Hindi ko naman siya pababayaan pero kung gano’n pa din ang mindset niya kapag ikinasal na tayo, sa condo ko muna tayo tumira saka tayo maghanap ng bahay natin,” nakangiti na wika ni Xander. “Alam mo, ang swerte-swerte ko sa ‘yo kasi busilak ang loob mo pero hindi man lang makita iyon mama.”

“Matatanggap din niya ako, babe. Gagawin ko ang lahat para mapatunayan sa kanya na karapat-dapat tayo para sa isa’t isa,” nakangiti na wika ko pero umiling naman si Xander sa akin na siyang ikinakunot ng aking noo.

“Tayong dalawa ang magpapatunay sa kanya na karapat-dapat tayo para sa isa’t isa, papatunayan natin sa kanya na mali ang mga sinasabi niya,” sabi ni Xander saka niya hinalikan ang aking kamay at dahil sa sinabi niya ay muli nanaman akong kinikilig na para bang teenager pa din ako.

“Bessy, ang ganda-ganda mo. Congratulations!” napangiti naman ako dahil nakadalo si Rose sa kasal namin ngayon ni Xander. Niyakap naman ako ni Rose kaya naman niyakap ko din siya hindi ko tuloy maiwasan na mapaiyak ngayon.

“Thank you bessy,” sagot ko sa kanya at hindi ko na napigilan na mapaluha dahil sa wakas ay ikakasal na kaming dalawa ni Xander.

“Ay! Ano ka ba bessy! Huwag kang umiyak, baka masira pa ang makeup mo,” pag-aalala na sabi sa akin ni Rose kaya naman napapatango ako habang pinipigilan ko na huwag na mapaiyak. Tinulungan ako ni Rose na punasan ang aking mga luha para hindi magulo ang aking itsura.

“Buti napapayag niyo ni Xander ang mama niyang matapobre,” sabi ni Rose at sinaway ko siya dahil baka mamaya ay may makarinig pa at makarating pa sa mama ni Xander.

“Hindi niya rin naman matiis si Xander, saka apo niya rin naman ang batang dinadala ko. Pumayag na rin siyang sa mansyon kami tumira pagkatapos ng aming kasal,” sagot ko kay Rose kaya naman napatango-tango siya saka pumasok ang isang organizer sa kwarto ko dito sa hotel na pinag-checkinan namin para malapit lang sa simbahan.

“Ready na po.”

“Bessy, kinakabahan ako,” sabi ko kay Rose habang nasa kotse na kaming dalawa at nasa tapat na ng simbahan.

“Huwag ka na kabahan bessy, nandito ka na oh. Naghihintay na sa loob ng simbahan ang groom mo. Osiya, papasok na ako ha,” sabi naman ni Rose at lumabas na siya ng kotse dahil oras na niya upang pumasok siya kasi ang bridesmaid ko.

Huminga muna ako ng malalim bago ako bumaba sa kotse. Humarap na ako sa nakasaradong pintuan ng simbahan. Isang buga pa ng hangin ang pinakawalan ko upang mawala kahit papaano ang kabang nararamdaman ko bago nagbukas paunti-unti ang pintuan at sumilay ang isang magandang ngiti sa aking labi dahil tanaw ko mula dito si Xander na nakatingin na rin sa akin habang nakasuot ako ng aking puting traje de boda. Ngayon pa lang ay pinipigilan ko na huwag umiyak dahil sa iba’t ibang emosyon na aking nararamdaman.

“Wala na talagang urungan ito Eloise, ikakasal ka na sa lalakeng mahal mo at sa ama ng anak na dinadala mo.”