Prologue

"Sha... Ano ba tumigil ka ng kakalakad pwede ba?" Sigaw ni Berting.

"Ano?bakit ako titigil?pag tumigil ba ako mahal mo na ako? Pag hininto ko ba ang paglayo magugustuhan mo na ako? Kapag sinunod ba kita pakakasalan mo na ba ako ? Ha ? Sagot...!! Sigaw din ni Akesha.

"Ano ba? seryosong usapan nga.Tumigil ka sabi ng kakalakad magkakaloslos na ako kakahabol sayo eh. Pwede ba itigil mo na yong kalokohan mo. Hindi ka na nakakatuwa eh kahit saan na lang puro ka biro" Sabi ni Berting.

"Sino bang nagbibiro ha?" Luminga linga Akesha.

"Wala naman dito si Dolphy o si Babalo ah. Saka mabuti ngang magka loslos ka ng hindi ka na maghabol pa ng iba. Habol ka ng Habol sa taong di naman tumatakbo yun nga lang di sayo patungo ang lakad"

"Ano? May tililing ka na naman ba?sinusumpong ka ba ng pagkalukaret mo? Sabi kase sayo wag kang kakakain ng hilaw na bayabas eh" Sabi ni Berting.

"Tse! dyan ka magaling mang inis at mang asar. Kaya ka hindi nagustuhan ni Teng eh puro ka ganyan" sabi ni Akesha.

"Hoy Sha..foul na yan ha, di mo na teritoryo yan.Umayos ka. Hindi porke magkaibigan tayo may karapatan ka ng pasukin ang mundong yun. Stop right there! o english yan alam ko maiintindihan ng mga konyong tulad mo yan"

Nasaktan na naman si Akesha sa sinabi ni Berting. Limang buwan na, limang buwan na niyang sinusubukan pasukin ang mundo ng binata pero sarado ito nakandado at na kay Athena ang susi. Muling lumakad si Akesha palayo sa binata .

"Kita mo tong babaeng ito saksakan ng tigas ng ulo. Ano ba Sha? Huminto ka nga magusap nga tayo?"

"Usap..Usap na naman? Bakit ka ba pigil ng pigil? hindi mo naman masagot ang tanong ko. Ano ba? may bayag ka ba o bubot na okra lang yan ha?" sigaw ni Akesha.

"Hoy! Sha... Teka bakit nauwi sa okra?"

"Huling tanong na lang Roberto Dela Cruz. Kapag huminto ba akong maglakad mamahalin mo na ba ako?" Muling tanong ni Akesha.

"Sha naman eh, ano bang biro ito? Hindi mo alam ang sinasabi mo eh.Pakaisipin mo nga. Milyonarya ka. Ako ay hamak na mangingisda lang Sha, nabibilang ka sa pedestal ako sa buhanginan, isa kang talang dapat ay tinitingala lang samantalang ako ay isang pirasong sea shell lamang na naliligaw sa dalampasigan" Sabi ni Berting.

"Putcha naman Ting, sasagot ka lang kung gusto mo ako o hindi tapos na ang usapan eh kung saan saang kalangitan at bituin mo pa ako hinalintulad. Anak ng pating naman"

"Kase Sha, kase ang hirap paniwalaan eh Mahirap maging biktima ng kapritso mo lang" naliitong sabi ni Berting.

"Milyonarya? saan sa salaping hindi ko alam kung sa malinis nagmula. At kelan ko ipinangmalaki yan. Nabibilang sa kalangitan ay sa pedestal, saan? sa mga lugar na magisa  lang ako at malungkot. Maigi ng nasa lupa o buhanginan Berting marami kang kasama minsan nga may etchas pa diba" Sabi ni Akesha.

Pagkatapos ay biglang sumeryoso ang dalaga. Ito na ata ang ikasampong rejection niya kay Berting at ito na din ang huli sabi ng dalaga sa sarili. Naubos na ang tapang niya, nalagas na ang determinasyun niya.

"Pang sampo na ito Ting, at ang sakit sakit na. Mayaman man ako, maluho at palagay mo ay hindi bagay sayo.Pakatandan mo lang sana ting..

"Im also just a girl, standing in front of a boy asking him to love her" Sabi ni Akesha na naalala ang linya ni Julia Roberts sa pelikulang Nothing Hill. Ganun kase ang eksena nila eh hadlang ang katayuan sa buhay.

"Huling tanong na ito Berting. Paano mo ako gustong humakbang? palayo ba sayo o palapit?" Sabi ni Akesha na binigyan na rin ng ultimatom ang sariling katangahan. Ang sakit sakit na kase.

Pero hindi siya nagawang sagutin ni Berting.....