CHAPTER 64

Tahimik na tumabi si Irish kay Kurt habang hinihintay nila ang pagbaba ng elevator. Pinauna na lang nila ang ibang guest para masolo nila ang isang pababa pang elevator. Nakatingin si Irish kay Kurt ngunit hindi si Kurt sa kaniya. Ilang sandali pa ay tahimik ring tumabi si Christian kay Irish. Nagkatinginan ang dalawa. Sinikap ni Christian na gawaran ng matamis na ngiti ang bestfriend ngunit parang walang nakita si Irish. Binawi niya ang ngiti at tumingin sa noon ay bumukas na elevator. Tahimik silang sumakay. Nakakabinging katahimikan ang naghari sa loob ng elevator hanggang sa nakapasok na ang dalawa sa kanilang kuwarto at naiwan si Christian sa labas para bantayan sila.

Malalim ang iniisip ni Kurt ng mga sandaling iyon. Galit siya at nasasaktan ngunit hindi niya kayang saktan physically ang President’s Princess. Lahat ng galit na iyon ay naipon sa dibdib niya. Kinuha niya ng bottled mineral water at tinungga niya iyon para kahit papaano ay maibsan ang bigat na kaniyang dinadala. Um