CHAPTER 72

CHAPTER 72

"Christian, hindi din madali ang ginawa ni Daniel na amining mahal niya ako sa harap mismo ni Janna. Hindi niya itinangging mahal niya ako sa mismong harap ng babaeng matagal na din niyang minahal. Yung pagkapoot ko kanina nang nalaman kong nagsisinungaling siya ay nabawasan. Mahal niya ako. Napatunayan ko 'yun. Ang kailangan ko na lang ngayong sukatin ay kung paano niya ako paninindigan at iyon ang kailangan niyang patunayan sa akin Christian. Iyon ang kailangan niyang paghirapan."

Tumango-tango si Christian. Ayaw na niyang kontrahin ang nakikita niyang pag-asa ni Irish. Alam niyang iyon lang ang tangi niyang kinakapitan para kahit papaano ay maibsan ang kaniyang dinadalang sakit. Pinabayaan na lang niya si Irish na mag-isip. Siniguro na lang niyang maramdaman ni Irish na lagi siyang nasa tabi nito sa pamamagitan ng patagong pagpisil nito sa kaniyang palad.

Pagdating nila sa Malakanyang ay niyakap siya ni Irish nang nasa loob pa lang sila ng sasakyan para wala sa kanilang