CHAPTER 80

Natigilan si Daniel. Kanina pa niya gustong mamagitan, pigilan si Irish na aminin ang tungkol sa nararamdaman nito sa kanya ngunit alam niyang kung gagawin niya iyon ay lalo lang magkagulo. Wala siyang karapatan magsalita nang hindi siya tinatanong. Dahil sa narinig niya ay wala na siyang iniisip kundi ang panindigan na din lang ang kung ano ang sasabihin ni Irish. Harapin ang parusang ibibigay ng Pangulo sa kaniya. Hindi na siya magsasalita pa. Hindi na niya kailangang magsinungaling tulad ng mga kasinungalingang hinabi niya kanina.

"Anak naman. Napakaraming ibang lalaki diyan, baka nagkakamali ka lang." tumayo ito sa kaniyang kinauupuan. Naglakad. Paikot-ikot. Nanginginig ang kaniyang kamao.

"Dad, nasa edad na ho ako. Kilala ko na ang sarili ko. Alam ko na kung sino ang tinitibok ng puso ko, hindi na ako bata para magkamali sa kung sino ang mahal ko at sa hindi."

"Hindi puwede."

"Dad, bakit hindi puwede? Nandito na 'to. Hindi ko ginusto, hindi ko hinangad. Minahal ko si Daniel."

"Ir