Kabanata 56 Photographs and Memories

Binuhat niya si Mika at ipinasok sa kanyang kotse. Nakita niya ang matandang babae na kumakaway pa sa kanya. Matagal na niyang napapansin ang pulubi sa kabayanan ngunit ngayon lang ito lumapit sa kanya. Sana ay may magawa ang pamunuan ng San Marcelino para sa mga palaboy sa lansangan.

Nilingon niya ang dalaga na natutulog sa likod ng sasakyan. Mukhang masama ang loob nito sa kanya. Mali yata na lumapit siyang muli. Nahampas niya ang manibela. Dapat ay naghintay muna siya ng tamang pagkakataon. Nagpadala na naman siya sa emosyon.

Binuhat niya si Mika. Naalimpungatan ito ng nasa pinto na sila ng condo.

“Liam, saan mo ako dadalahin? Ibaba mo ako.” Sinuntok nito ang kanyang likod.

“Huwag kang maingay.”

Ibinaba niya ito. Napadami ang nainom ng dalaga kaya napasubsob na lamang ito sa kanyang dibdib. Hindi na nito mabalanse ang katawan. Binuksan niya ang pinto ng condo. Pagkasara ng pinto ay sinalo niya ang dalagang muntik ng madapa. Ikinawit nito ang dalawang kamay sa kanyang leeg. Namumung