Kabanata 55 Revealing a Secret

Nagmamadaling tumakbo si Mika palabas ng restaurant. Hindi niya matanggap ang nasaksihan. Buong buhay niya ay naniwala siya na masaya ang kanyang pamilya kahit nag-iisa siyang anak. Bakit nagawa ng kanyang ina ang magtaksil sa daddy niya? Ano ang nangyayari sa pagsasama ng mga magulang?

"Mika, bakit namumutla ka? Okay ka lang?" tanong ni Liam.

Tumango na lamang siya at pumasok sa loob ng sasakyan.

Panay ang sulyap sa kanya ng binata. "Mika, galit ka ba sa nangyari? Pasensya ka na."

Hindi siya kumibo. Iniisip niya ang kanyang ina. Alam ba ng daddy niya ang kataksilan nito? Madalang niyang makitang magkausap ang mga magulang sa bahay. Iniisip niyang busy lang ang mga ito. Sa mata niya at ng ibang tao ay huwaran silang mag-asawa.

Nakarating sila sa Miracle Hospital. Ilang minuto na lang at duty na niya. Mabigat ang kanyang kalooban.

"Mika, pasensya ka na uli. Hindi ko kang napigil ang sarili ko."

Bumaba na siya ang sasakyan at hindi pinansin ang binata. Wala siya sa sarili.

Inaabangan si