Kabanata 61 A Broken Heart

Lima. Apat. Tatlo. Dalawa. Isa. Magkayakap sila ng mahigpit. Kahit ano ang mangyari, ang importante ay magkasama sila. Ang tangi niyang hiling ay magkita sila sa kabilang buhay ni Liam.

“Haist! Mabubulilyaso pa ang kita ko sa drama ninyo!” anang lalaki. Hindi sumabog ang bomba dahil pinindot nito ang remote.

Tinulungan ng lalaki si Liam na kalagin ang pagkakagapos ng kanyang paa. Kinuha nito ang bomba inihagis sa labas ng building at pinasabog.

“Umalis na kayo. Hindi ko alam kung paano ipapaliwanag sa nag-utos ang nangyari. Bahala na nga.” Napakamot ito sa ulo.

“Sino ang nag-utos sa’yo?” tanong ni Liam.

“Hindi ko kilala. Alam mo naman siguro ang black market. May middleman na nag-uutos online kung ano ang gagawin. Hindi ko kilala ang middleman lalo ang mastermind. Pero baka may ideya ka, sino ba kaaway mo o ng pamilya mo? Matinding galit lang naman ang magtutulak sa tao para ibayad ang ulo ninyo.”

“Pare, maraming salamat. Makakabawi din ako sa’yo.”

“Quits na tayo. Hindi mo ba ako nata