Kabanata 68 Moment of Weakness

Tumulong si Ms. Castro upang bigyan ng pampakalma ang matandang pulubi. Muli itong nakatulog. Kilala ba ng ama niya ang pasyente? Bakit gulat na gulat ito pagkakita sa babae? Posible namang guni-guni lang niya ang nakitang reaksyon nito.

“Dad, mauna na po kayong umuwi. Naalala ko, may usapan po kami ni Gemma,” kahit ang totoo ay wala naman. Ayaw muna niya itong makausap.

Hindi pa siya handang tanggapin ang relasyon ng daddy niya kay Ms. Castro. Hindi naman siya tutol sa relasyon ng dalawa. Sino ba naman siya para tumutol sa kaligayahan ng ama. Masyado lang madaming gumugulo sa kanyang isip ngayon lalo at nalaman niyang buntis siya.

Babantayan na lamang niya ang pulubi habang hindi pa ito tuluyang magaling. Kawawa ito dahil walang kamag-anak na dadalaw. Lalabas muna sana siya ng room ng babae ngunit napabalik siya ng makasalubong niya sa hallway si Liam. Ayaw din niya itong makita.

Ngunit naabutan siya nito bago pa niya maisara pinto. “Iniiwasan mo ba ako?”

“Ano sa tingin mo? Sinusunod