Kabanata 58 Saving Each Other

Napatingin siya sa mata ng babaeng pulubi ng madinig ang sinabi nito. Inabutan niya ito ng dagdag na pera pambili ng pagkain. Go signal na, pinaandar niya ang sasakyan. Ipinilig niya ang ulo. Imposibleng alam ng palaboy kung sino ang tatay niya. Limang taon na niya itong hinahanap at ngayon ay ipinapahanap na din niya ang kanyang ina.

Nakaabang si Jasmin pagdating niya sa bahay. Inihagis nito ang mga pictures nila ni Mika na kuha kanina sa plaza.

Ayaw niyang sirain ang kanyang araw. Masaya siya at nakasama niya si Mika.

“Huwag na huwag kang sisigaw. Ayokong madinig ka ni Seb,” banta niya ng mapansin niyang nasa mukha ng babae ang planong awayin siya.

“Nahihiya ka pala. Bakit ka nakikipagkita sa ibang babae?” mahina ngunit madiin na sabi nito.

“Importante sa akin si Mika. Alam mo naman ‘yan.”

“Pinagseselos mo lang ako, hindi ba? Gusto kong malaman mo na selos na selos ako. Akin ka lang Liam. Akin ka, noon at ngayon.”

Umiling na lamang siya at umakyat sa loob ng kwarto upang umiwas. Mag