Share

Kabanata 5

Author: red_berries
last update Huling Na-update: 2024-08-24 02:37:09

"Walang magsasabi na normal ang pagsasama kung ang asawa ay may kapansanan, Sandy. Lahat ay magiging kumplekado."

Hindi sumagot si Sandy. Tumayo ito at dahan-dahan na pumunta sa kabila kung nasaan si Dwight. Paghinto ni Sandy sa tabi ni Dwight ay inikot niya ang wheelchair nito para makaharap niya ang katawan ni Dwight.

"Anong ginagawa mo?" nagtatakang tanong ni Dwight kay Sandy.

"Kung bibigyan mo ako ng pahintulot. Maaari ko bang hawakan ang mga binti mo?"

Bahagyang nagulat si Dwight sa paghingi nito ng pahintulot, pero hindi naman nagtagal ay sumang-ayon siya. Umupo si Sandy sa tabi niya at unti-unting hinawakan ang paa niya hanggang sa maalis iyon sa pagkakatapak sa paanan ng wheelchair. Inalis nito ang tela at tinabi sa gilid. Pinakatitigan ni Dwight ang ginagawa ni Sandy ngayon, dahil unti-unti nitong pinipisil ang hita niya pataas.

"Wala kang nararamdaman?"

Umiling so Dwight, kaya nagpatuloy si Sandy hanggang sa hita nito, pero napahawak na si Dwight sa kamay ni Sandy dahil sa kaba na mas tumaas pa iyon, at isa pa hindi niya masabi kung ano ang naramdaman niya nang bahagyang lumapit ang mukha ni Sandy sa mukha niya.

"Sa tingin ko ay okay na iyon."

Ngumiti naman si Sandy at tumayo. "Gusto mo ba ulit maramdaman ang mga binti mo Dwight?"

Malungkot ang mga matang tumitig si Dwight sa kanyang mga paa. "Walang pag-asa na makaramdam ulit ang mga paa ko. Ilang doctor na ang humawak sa akin ay hindi pa rin magawang makaramdam ng binti ko kahit isang porsiyento."

"Ako, Dwight, kaya kong pagalingin 'yang mga paa mo."

Maliit na napangiti si Dwight, pero ang mata nito ay iba ang sinasabi. Hindi na siya umaasa pa na makalakad siyang muli, kaya ano pang saysay na magpresinta ni Sandy na maging doctor niya para pagalingin ang ilang taon ng patay niyang mga paa.

"Nakapunta ka na ba sa parke ng Tagaytay?"

Umiling si Dwight. "Sa pagkaka-alam ko ay hindi naman ako napupunta pa roon kahit isang beses."

Napatulala si Sandy sa ibang direksyon. Nakalimutan na ni Dwight ang tungkol doon, ibig sabihin malaki ang chance na may nawala sa mga ala-ala nito ngayon, siguro ay dahil sa naging aksidente. Hindi lang paa nito ang naapektuhan, maging ang utak nito ay nagkapinsala rin pala.

"Hindi pa ako sigurado sa sitwasyon mo ngayon, Dwight, pero susubukan kong alamin sa mga records mo simula ng unang araw ng pagkaparalisa mo. Ipagpapatuloy ko ang ginagawa ko kaya sana huwag mo akong pipigilan sa gagawin ko."

Nanatiling nakatingin sa kawalan si Dwight, mukhang nqg-iisip ito ng malalim, pero ilang minuto ang lumipas ay bumuntong-hininga ito at tumingala kay Sandy.

"Kung magagawa mo iyon ay pumapayag ako. Bilang kapalit ay susundin ko ang kasunduan ng pamilya nating dalawa. Ngunit iyon lang ang maaari kong ibigay sayo, dahil..." Hindi na tinuloy pa ni Dwight ang sasabihin.

Bahagyang napakunot naman ang noo ni Sandy. Napatingin siya sa mga binti ni Dwight.

"Kung may naiisip ka pang iba. Huwag mo na lang sabihin dahil ayokong marinig."

Sa mukha ni Dwight ay parang ayaw talagang marinig kung ano ang ibig sabihin ng tingin ni Sandy sa binti niya.

"Wala naman akong ibig iparating sa tingin ko, Dwight. Baka ikaw ang merong ibig ipahiwatig sa kung paano ako tumingin diyan sa hita mo?"

Nakipagtitigan ang dalawa sa isa't isa, pero ang unang bumitaw ay si Dwight habang may munting pawis sa gilid ng mukha niya. Habang nakatingin ito sa kabilang direksyon ay napansin ni Sandy ang pagbabago ng mata nito na naging malungkot.

"May problema ba?" tanong ni Sandy.

Sa isip ni Dwight ay parang kay hirap ibalik ang dating buhay niya kung wala na rin naman ang kanyang ama. Inuusig din siya ng konsensya niya dahil kung magkataon na gumaling siya, hindi rin naman babalik ang kanyang ama sa piling nila.

Napalingon ang dalawa sa pintuan ng sumilip si Dolores.

"Tapos na ba kayong dalawa sa pag-uusap. Gustuhin ko man na magtagal ang pag-uusap niyong dalawa ay kailangan na rin nating umuwi Sandy."

Tuluyang bumukas ang pinto ng malaki nang pumasok naman si Celeste.

"Maganda naman siguro ang napag-usapan niyong dalawa, 'di ba Dwight?"

Mahinang tumango si Dwight. Muling tumingin kay Sandy bago pinalakad ang wheelchair nito palapit kay Celeste.

"Sa susunod ay mas mainam na magtagal ang ating pagsasama. Sa ngayon kasi ay gabi na at kailangan na ring magpahinga ni Dwight. Mas mabuting sa bahay na lang namin kayo pumunta," saad ni Celeste.

"Mabuti pa nga, Celeste. Mag-ingat kayo sa daan pauwi," sambit naman ni Dolores.

Ngumiti si Celeste at tinulak na ng dahan-dahan ang wheelchair ni Dwight. Habang si Sandy ay nakasunod ang ng tingin sa paalis na si Dwight. May huling sulyap pa si Dwight bago tuluyang makalayo sa pinto ng kwarto na iyon.

"Umuwi na rin tayo, Sandy. Kailangan nating mag-usap sa bahay," mabigat at may diin na sambit ni Dolores.

Walang amor na lumakad palabas ng kwarto na iyon si Sandy. Tuloy-tuloy lang siyang maglakad hanggang sa makalabas sa restaurant na iyon. Hindi niya binigyan ang kanyang ina ng panahon para makasabay itong maglakad, dahil sigurado siya na kahit wala pa sila sa bahay ay sesermunan na siya nito agad sa mga pinagsasabi niya kanina sa pamilyang Montemayor. Binuksan niya ang pinto ng kotse, at oo nga pala, kasama nila ang kanyang ama. Hindi lang ito sumama sa loob at nagdesisyon na manatili na lang rito sa loob ng kotse.

Pagpasok ni Dolores sa loob ng kotse ay nakasigaw na naman ito.

"Wala kang respeto sa ina mo, Sandy! Hindi mo man lang ako hinintay para sabay tayong makarating dito at makasakay!"

Diretso naman ang tingin ni Sandy nang sumagot ito sa kanyang ina, "Akala ko ba sa bahay na tayo mag-uusap? Hindi naman kasali roon na hintayin kita habang palabas ng gusali na 'yon." Tumingin siya sa salamin sa harap kung saan nakatingin ang kanyang ama. "Maaari na ho siguro tayong umalis rito, ama. Nagmamadali na rin makauwi ang ina ko, dahil gigil na gigil na siyang sermunan ang panganay niyong anak."

Kaugnay na kabanata

  • The Doctor's Dilemma: Healing Her Billionaire Fiance   Kabanata 6

    Tahimik na pinaandar ni Amando ang sasakyan habang nagngingitngit na sa galit si Dolores. Si Sandy naman ay sa bintana lang nakatingin habang bumibiyahe na sila pauwi. Paghinto pa lang ng kotse sa tapat ng bahay nila Sandy ay agad siyang lumabas at lumakad ng walang tigil hanggang sa makapasok siya sa loob, pero may mga kamay na humablot sa braso niya at pilit siyang pinahaharap nito. "Talagang pinanindigan mo ang kabastusan mo, Sandy! Ngayon tayo mag-uusap tungkol sa sinabi mong kasinungalingan kay Celeste!" Matapang na tinitigan ni Sandy ang kanyang ina na puno ng galit ang makikita sa mukha. Ang mata ni Dolores na namumula na rin sa galit na pilit nitong huwag sumabog ng sobra. "Ano bang gusto mong marinig? Nagsabi ako ng totoo sa pamilyang Montemayor. May problema ba 'don?" "Hindi 'yon ang problema rito! Nahihibang ka na ba para sabihin sa pamilya ni Dwight na sa UPCM ka nagtapos ng pag-aaral. Sa Ateneo nga mahirap ng makapasok at makapagtapos doon, tapos ikaw ay may lakas n

    Huling Na-update : 2024-08-30
  • The Doctor's Dilemma: Healing Her Billionaire Fiance   Kabanata 7

    Tumaas naman ang isang kilay ni Amara. "Hindi mo ba alam na may isa pang anak si Mommy? Oh wait...kami nga lang pala dapat ang anak, bigla ka lang sumulpot." Hindi pinansin ni Sandy ang pinagsasabi ni Amara. Mas nakapokus siya kay Sander ngayon, dahil hindi niya alam na meron pa siyang kapatid bukod kay Amara. Napahinto at biglang nanlaki ang mata ni Sander habang nakatingin at nakaturo ang daliri niito kay Sandy. "I-Ikaw si... Ate Sandy?!" sa himig na boses ni Sander ay parang gulat na may halong galak iyon. Gulong-gulo si Sandy sa nangyayari ngayon. Paanong nagkaroon pa ng isang anak ang kanyang ina na hindi niya nalalaman? Ang alam niya lang ay dalawa sila ni Amara, pero bakit kilala siya ng sinasabi ni Amara na bunsong anak ng kanilang ina. "Anong nangyayari rito?" tanong ni Amando nang sumilip ito sa kwarto ni Sandy. Sumagot naman si Amara, "Ito kasing si Sandy dad. Hindi niya ata alam na may isa pa kayong anak. Hindi ba niya alam 'yon o sadyang tanga lang siya sa part na

    Huling Na-update : 2024-08-30
  • The Doctor's Dilemma: Healing Her Billionaire Fiance   Kabanata 8

    Tumango naman si Dwight bilang sagot. Tumayo si Celeste at pumunta sa likod ni Dwight para itulak ang wheelchair nito. Nang nakapasok sila sa kwarto ay agad na nanghingi ng tulong si Celeste para mabuhat si Dwight papunta ng kama at maihiga ito ng maayos. Pagkatapos no'n ay iniwan na rin siya ng kanyang ina para magpahinga. Habang nakahiga at nakatitig sa kisame ay naalala n Dwight ang itsura ni Sandy. Hindi pansinin ang ganda ni Sandy kung ikukumpara sa babae na nakatira sa siyudad na may kolorete sa mukha. Kailangan munang matitigan ng mabuti ang mukha ni Sandy para makita ang tunay nitong ganda na hindi maikukumpara sa ibang babae. Napansin lang ni Dwight na laging seryoso ang mukha ng dalaga kahit pa may himig na pabiro ang sinasabi nito kanina. Ang maliit na ngiti ni Sandy ang nagpapagulo sa isip ni Dwight ngayon. Ang ngiti na maganda, pero parang pamilyar sa kanya. Kinabukasan.... Hindi nagising ng maaga si Sandy dahil sa sakit ng ulo niya. Hindi rin siya makatulog ng diret

    Huling Na-update : 2024-08-30
  • The Doctor's Dilemma: Healing Her Billionaire Fiance   Kabanata 9

    Napahimas na lang sa batok si Amando at bahagyang napapikit. "Oo alam kong magkaiba 'yon, pero iba naman kami. Pamilya mo kami, Sandy. Huwag sanang balutan ng yelo ang puso mo, puwedeng magpatawad anak." Tumitig si Sandy sa daan palabas ng dining area. "Hindi ko pa kayang ibigay 'yon para sa inyo, ama. 26 years akong naghintay ng pagmamahal mula sa inyong dalawa ni ina, hindi niyo man lang ako nabuhat ng matagal dahil iniwan niyo ako kay lola, tapos kayo ay umalis ng hindi ako kasama. Bumabalik lang kayo pag may kailangan tapos aalis ulit!" Ang seryosong mukaha ay napanatili ni Sandy, pero ang mata niya ay hindi maitatago ang sakit na nadarama sa bawat salitang lumalabas sa kanyang bibig. "Kaya kung hihingin niyo sa akin ang kapatawaran. Hindi pa ngayon, ama. Maaaring magpatawad ako... maaring hindi." Iniwan ni Sandy si Amando na nakatulala habang may luhang pumatak sa pisngi nito, habang si Amara ay sinundan lang ng tingin si Sandy habang paalis ng dining na may mukha na hindi mab

    Huling Na-update : 2024-08-30
  • The Doctor's Dilemma: Healing Her Billionaire Fiance   Kabanata 10

    Lumingon si Amando kay Sandy na may nagtatakang mukha. "Nagkita lang kayo kagabi. Bakit gusto mo na ulit makausap ang anak ni Celeste?" Bumuntong-hininga si Sandy at tumingin sa kalangitan. "May kailangan lang akong tanungin sa kanya, ama." "Ano naman iyon?" "Gusto ko na ako ang humawak sa mga dokumento na kailangan kong pag-aralan para muling makalakad si Dwight." "Pasensya na anak. Saang ospital ka nga pala nabibilang?" Napangiti ng maliit si Sandy. "Wala akong ospital na kinabibilangan, ama." Nagsalubong ang kilay ni Amando. "Paanong nangyari 'yon?" "Ako ay doctor na tinatawagan lamang kung may emergency o malala ang kalagayan ng pasyente. Kaya ko nasabing wala akong kinabibilangan na ospital ay dahil hindi naman ako permanente doon, at isa pa pinipili ko lang ang gusto kong pagalingin gamit ang kamay ko." "Hindi naman ata maganda ang ganon, Sandy. Ang obligasyon mo ay hindi dapat namimili." Tumayo si Sandy at naglakad ng ilang hakbang palayo sa kanyang ama. "Mahihirap,

    Huling Na-update : 2024-08-31
  • The Doctor's Dilemma: Healing Her Billionaire Fiance   Kabanata 11

    Hinawakan ni Dwight ang gulong ng wheelchair nito at pinagulong iyon para mapalapit kay Sandy. Nagsalubong naman ang kilay ng dalaga dahil mas malapit na ang binata sa kanya. "Nagmamadali ka ata? Kagabi mo lang sinabi ang tungkol sa pagtulong mo, kaya wala pa sa kamay ko ang dokumento na hinahanap mo."Napaiwas ng tingin si Sandy. Nagmamadali nga ba siya o sadyang tinatawag na siya ng tungkulin niya para makatulong at maresolba agad ang problema ni Dwight? "Hindi naman, pero dahil mahirap ang case mo ay kailangan kong pag-aralan ng mabuti ang lahat bago kita irekomenda sa ibang doctor." Tumingin si Dwight kay Sandy habang magkasalubong ang kilay nito. "Irekomenda sa ibangdoctor. Tama ba ang narinig ko?" Napabuntong-hininga si Sandy. "Oo tama ang narinig mo. Tutulungan lang kita tungkol sa medical records mo, pag napag-aralan ko na at nakuha ang tamang gawin ay saka kita irerekomenda sa ibang doctor, kung ang naiisip mo ay kung sakali na operahan ka ay ako ang doctor mo. Pasensya

    Huling Na-update : 2024-09-01
  • The Doctor's Dilemma: Healing Her Billionaire Fiance   Kabanata 12

    Nagkibit-balikat si Dylan nang mawala na sa paningin niya ang kotse nila Sandy. Pumasok siya sa loob at nadatnan ang kuya at ina niya na nasa sala habang magkaharap ang mga ito. "May meeting ba kayo?" tanong ni Dylan. "Wala naman. Meron lang naging bisita ang kuya mo," sagot ni Celeste. "Sino?" "Si Sandy, ang mapapangasawa ng Kuya Dwight mo." Lihim na napangiwi si Dylan. Matutuloy pa rin pala ang kasal kahit na galing lang sa probinsya ang babaeng iyon. "Tuloy pa rin pala ang kasal." Kumunot ang noo ni Celeste. "Matutuloy talaga iyon kahit anong mangyari. Ayaw mo bang ipakasal ang kuya mo sa kapatid ni Amara?" Si Dwight ay nanatiling tahimik habang nakatingin sa kapatid nitong si Dylan. "Labas na ako diyan, Ma. Basta pag nauwi sa hindi magandang pangyayari ang pagpapakasal na 'yan, ewan ko na lang." Tinalikuran ni Dylan ang kanyang ina at kuya habang may mukhang nalilito si Celeste. "Dylan!" tawag ng malakas ni Celeste, pero hindi na lumingon pa si Dylan hanggang sa mawal

    Huling Na-update : 2024-09-01
  • The Doctor's Dilemma: Healing Her Billionaire Fiance   Kabanata 13

    "May pera ka man ngayon, nakatapak ka pa rin sa lupa. Pare-parehas lang tayo kahit mayaman pa ang isang tao— sandali hindi nga pala tayo parehas, dahil masama ang ugali mo kaysa sa sinasabi mong mahihirap." "Talaga bang iyan ang magiging pag-uusap natin ha! Ano, mas pinapaboran mo ang mga taong iyon kaysa sa sarili mong kadugo!" Tumaas ang dalawang kilay ni Sandy. "Mas pipiliin ko na sila, kaysa sayo." Lumakad si Sandy, pero hinagip siya ng kamay ng kanyang ina at handa sanang sampalin muli sa pangalawang pagkakataon, pero hindi natuloy dahil pumasok sa bahay si Amando. "Dolores!!" may himig na galit ang boses ni Amando. Tinulak ni Dolores si Sandy ng mahina. "Ano na naman bang pinag-aawayan niyo at pagbubuhatan mo na naman ng kamay ang anak mo?!" "Ito..." Dinuro ni Dolores ang noo ni Sandy. "Masyadong matabil ang dila nitong panganay mo. Nakakakulo ng dugo sa bawat salitang lumalabas sa bibig niya!" Hinawi ni Sandy ang daliri ni Dolores ng malakas, kaya gulat itong napating

    Huling Na-update : 2024-09-01

Pinakabagong kabanata

  • The Doctor's Dilemma: Healing Her Billionaire Fiance   Kabanata 99

    Mula sa pagkakatitig sa upuan ay lumipat ang tingin ni Sandy sa lalaki sa harap niya, malabo ito at hindi niya mapagtanto kung sino ang nasa harap niya ngayon at tinawag siya sa pangalawa niyang pangalan. "S-Sino ka?" saad niya habang pinipilig ang ulo dahil may pumipintig na doon. Seryoso ang mukha ni Dylan habang nanatiling nakatayo sa harapan ni Sandy. "Sandy?" "Hmmm." Iyon na lamang ang nasagot ni Sandy dahil nawalan na ito ng malay at pabagsak na sa sahig. Mabuti na nga lang at mabilis na nakalapit si Dylan para yakapin ito nang hindi mabagok ang ulo. Hindi malinaw, pero ang sagot ni Rae sa kanya ay totoo. Si Rae at si Sandy ay iisa lang. Dumating si Dwight sa loob ng bar. Ang bumungad sa kanya sa paghahanap niya kay Sandy ay ang kanyang kapatid na hawak si Sandy habang nakapikit ang dalaga. "Dylan," seryosong saad ni Dwight. Lumingon si Dylan. "Kuya. Mabuti at narito ka na, ito ba ang mapapangasawa mo?" "Paano mo siya nakita rito?" "Mahabang kwento, pero kailangan na

  • The Doctor's Dilemma: Healing Her Billionaire Fiance   Kabanata 98

    "Ako pa talaga ang gagawin mong example sa kalokohan mo!" Malakas na binitawan ni Sandy ang buhok ni Alexis, halos gusto na lang gumulong sa sahig ni Alexis sa sakit ng anit niya sa paghila ng buhok niya ni Sandy. "Ang brutal mo talagang babae ka! Kaya ayokong lumalabas ang side mo na 'yan, masyadong palaban, ibang-iba sa isa mong ugali na hindi makabasag pinggan!" "Dapat ko lang ipakita, dahil na-agrabyado ako at alam mo 'yon Alexis." Bukod kay Lady at Sam, isa rin sa nakaka-alam ng estado ng buhay niya sa kanyang pamilya ay si Alexis. Dinaig pa kasi nito ang babae sa pagkausisa kaya na kwento niya ang buong detalye tungkol sa kanyang pamilya. Mukha naman itong katiwala-tiwala, kaya kahit sa maliit na rason ay na kwento niya kay Alexis. Humarap muli ito sa bote ng mga alak na nasa dalawa na ang walang laman, at hindi simpleng bote lang iyon dahil nasa one liter ang bawat isa kaya lasing ng matuturing si Alexis. "Tsk. Bakit kasi gusto mo pang bumalik sa pamilya mo kung hindi k

  • The Doctor's Dilemma: Healing Her Billionaire Fiance   Kabanata 97

    "Mamaya na!" Napatingin tuloy ang ibang tao na nasa cafe sa boses ni Sandy na may kalakasan. Pilit na lang siyang ngumiti bago humarap kay Alexis na may nanlilisik na mata. "Oo. Bukas aalis na ako." Napakamot na lang si Sandy sa ulo niya at nilagok ang tirang kape na malamig na sa kanyang tasa. Dinuro niya ang mukha ni Alexis, pero may kalayuan naman sa mukha nito. "Pag ako talaga napahamak sa pag-aaya mo. Irereto talaga kita sa mga babaeng naghanap ng katulad mo. I-la-lock ko kayo sa isang kwarto at hahayaan ko yung babae na gawan ka ng kahalayan para hindi sayang ang lahi mo!!" Buong lakas niyang sabi kay Alexis kahit pa marinig siya ng ibang tao na katabi lang nila ng table. Umismid naman si Alexis at hinigop ang kape sa tasa nito. "Ang hirap mong hingan ng pabor, baka magkatotoo 'yang sinasabi mo sa akin, pero syempre hindi kita aayain kung mapapahamak ka lang. Magsasaya lang tayo doon." Wala ng nagawa si Sandy kung hindi sumagot ng oo, tutal hindi naman na siya nakatira s

  • The Doctor's Dilemma: Healing Her Billionaire Fiance   Kabanata 96

    Hindi mapuknat ang ngiti ni Dwight kahit nakalabas na sila ng ospital, maging ang driver niya ay nagtataka kung bakit siya nakangiti ng sobra. Lito man ay ginawa na lang ng driver niya ang ginagawa nito sa tuwing isasakay siya sa kotse. "Puwede niyo po ba akong dalhin sa address na 'to?" Pinakita ni Sandy ang address sa driver ni Dwight habang sumasakay ng kotse. "Sige ho." Nang umandar na ang kotse ay saka nagtanong si Dwight, "Anong gagawin mo sa address na pinakita mo sa driver ko?" "May gusto sa aking makipagkita ngayon." Nagsalubong agad ang kilay ni Dwight. "Sino?" "Naging close ko nang mag-stay ako ng ilang araw sa hospital kung saan siya nagtatrabaho." "Babae?" Kunot ang noo ni Sandy na napatitig sa likuran ng upuan ng driver seat. "Bakit mo pa tinatanong kung babae? Paano kung lalaki, sige nga?" Iniwas ni Dwight ang mata niya kay Sandy at nagkunwaring tumitingin sa mga nadadaanan nilang mga kabahayan. "Wala naman akong sinabi. Tinanong ko lang kung babae." "Sa par

  • The Doctor's Dilemma: Healing Her Billionaire Fiance   Kabanata 95

    Napabuntong-hininga na lamang si Dwight a t lumapit kay Sandy. Kailangan pala niyang dumapa at tumihaya, maging ang mga binti niya ay lalagyan ng mga wire kahit pa hindi ito makadama ng kahit ano. Sinimulan ni Sandy na ilagay ang wire sa binti muna ni Dwight kung saan hindi muna nito mararamdaman ang mga kuryente na dadaloy doon. "Subukan muna natin dito sa binti mo habang inaalis mo ang kaba sa iyong dibdib." Nang inumpisahan ni Sandy na i-on ang makina ay nakatitig siya sa mukha ni Dwight, inuna niya sa binti nito para makasiguro muna na wala pa talaga itong nararamdaman, tama naman siya walang reaksyon si Dwight habang nakatitig ito sa itaas. Hindi man lang din ito napangiwi, tinaas niya sa pinaka-high volume ang kuryente sa binti nito pero wala ring reaksyon si Dwight. Nang okay na ang minuto na nilaan niya para sa binti ni Dwight ay nilipat naman niya ang mga wire sa likod ni Dwight. Tinagilid niya muna ito bago tuluyan na idapa ang katawan ni Dwight sa higaan. "Hingang mal

  • The Doctor's Dilemma: Healing Her Billionaire Fiance   Kabanata 94

    Sinunod ni Dwight ang sinabi ni Sandy, sinukat niya ang bigas at ang tubig bago iyon takpan. Si Sandy na ang naglagay sa rice cooker at pinindot iyon para maluto. Mga ilang minuto rin ang itatagal kaya maliligo muna si Sandy. "Dito ka muna. Maliligo lang ako." "Sige." Umalis si Sandy at naiwan sa kusina si Dwight. Lumapit siya sa ref, pero wala pa pa palang frozen food doon. Ang alam niya merong dalang grocery si Sandy kaya hinanap niya iyon sa mga cabinet na abot niya, pero wala doon. Mukhang nasa itaas, bumalik na lang siya sa dati niyang puwesto para hintayin si Sandy. Habang nakatitig si Dwight sa telepono niya ay naglalakad na si Sandy sa likuran niya para tanungin, "Dwight kumakain ka ba ng sardinas?" "Oo naman." "Iyon nalang ang lulutiin ko para dumami. Wala naman kong ibang maluluto kun'di 'yon lang at noodles, pero gusto ko sardinas ngayon kaya teka lang." Naghiwa ng sibuyas at bawang si Sandy at nilagay sa kawali na mainit. Habang ginigisa iyon ni Sandy ay naaamoy na

  • The Doctor's Dilemma: Healing Her Billionaire Fiance   Kabanata 93

    Mahimbing na natutulog si Sandy, Hindi nito naramdaman na may nakapasok sa kanyang kwarto. Ngumiti si Dwight nang makita na tulog pa ang dalaga. Palihim talaga siyang pumasok dahil nasa kanya naman ang mga susi at lalo na ng mga hidden fingerprint sensor sa bahay na ito kaya kahit hindi niya tawagan si Sandy na bukas ang pinto ng bahay ay makakapasok pa rin siya. Lumapit siya kay Sandy na nakalilis pa ang damit hanggang sa ibabaw ng pusod. Inayos iyon ni Dwight at mas lalong lumapit kung nasaan ang ulo ni Sandy. Titingnan niya ang mukha ni Sandy na walang makikita kahit isang pimple, pero may napansin siya sa ilalim ng ilong nito, may manipis na bigote. Pinatong ni Dwight ang dalawang kamay niya sa gilid ng kama ni Sandy upang makapagnakaw ng halik sa labi nito, at nang nagtagumpay siya habang inaalis ang labi niya ay malapad siyang ngumiti dahil hindi pa rin nagising si Sandy. "Sandy, gising na." Bahagyang kumunot ang noo ni Sandy habang nakapikit ang mata, pero pamaya-maya ay n

  • The Doctor's Dilemma: Healing Her Billionaire Fiance   Kabanata 92

    Kinuha ni Dwight ang telepono niya dahil balak niyang tawagan si Sandy at makipag-video call, pero napahinto siya sa wallpaper ng kanyang telepono. Si Sandy na bagong gising habang nakatulala at nakahawak sa ulo. Pinagmasdan muna niya iyon bago tumawag kay Sandy. Taranta naman si Sandy na sagutin ang tumatawag dahill kalalabas lang niya ng banyo at nakatuwalya lang, wala na siyang nagawa nang napindot na niya ang green na button at bumungad na sa screen ang mukha ni Dwight. "Sandy, hindi kita makita." Tinapat na lang ni Sandy sa kanya mismong mukha ang screen ng telepono para hindi makita ni Dwight na nakatuwalya lang siya. "Ang lapit naman masyado ng mukha mo. Hindi ko makita ng maayos." Wala ng nagawa si Sandy, kaya nilayo ng konti ang telepono sa kanya, kaya maging ang kalahati ng katawan niya na may tuwalya ay kita ni Dwight. Napalunok si Dwight at bahagyang umiwas ng tingin nmhabang nagsasalita, "Bakit hindi mo naman sinabi agad? Magbihis ka na muna." Agad namang sumunod

  • The Doctor's Dilemma: Healing Her Billionaire Fiance   Kabanata 91

    "Hindi kita kilala para magpunta rito, pero dahil hindi naman ako busy ay pinagbigyan kitang makausap ako. Ngayon, ano ang kailangan mo sa akin?" "Pasensya na kung nabigla ka sa pagpunta ko rito, pero hihingi sana ako ng tulong mula sayo." "Tulong?" "Oo, para sana sa negosyo namin. Kailangan kasi namin ng malaking pera para muling makausad." Ngumisi si Raul. "Hindi ako ang tamang tao para hiraman mo ng pera, misis." "Utang na loob na lang Mr. Raul. Iyon na lamang po para magpahiram lang po kayo ng pera o makipagsosyo sa amin." Kumunot ang noo ni Raul. "Utang na loob? Hindi nga kita kilala, bakit magkakaroon ako ng utang na loob sayo." Ngumiti si Dolores kahit kinakabahan na siya sa sinasabi niya, "Tanda mo pa ba ang doctor na nakapagpagaling sayo noong na mild stroke ka at hindi mo malakad ang iyong mga paa, ako ang ina ng dalaga na iyon. Na kwento niya rin na kung sakaling may problema ay puwede siyang manghingi ng tulong mula sayo. Kaya ako narito." "Si Doctor Rivera?" "Oo,

DMCA.com Protection Status