Kabanata 88

“Nay, kumusta na po kayo dito?” Nakangiti kong tanong habang ibinababa ang mga pinamili kong groceries para sa aking ina. Napangiti ako ng tumayo ang aking ina at mabagal na humakbang palapit sa akin. Sobrang hina ng bawat kilos nito pero halatang magaling na sya.

“Bakit ngayon ka lang umuwi? Ikaw bata ka marami ka ng inililihim sa akin, ni hindi mo pa naipapaliwanag sa kung paano mo nakuha ang bahay na ‘to?” Seryoso nitong tanong saka ako pinukol ng isang nagdududang tingin.

“Nay, w-wala po akong ginagawang masama. Ang totoo nga po niyan ay hindi pa bayad ang bahay na ‘to. Masyadong malaki ang buwanang hulog nito kaya naisip ko na mag-abroad na lang.” Malumanay kong paliwanag. Napansin ko na natigilan ang aking ina at malungkot na tumingin ito sa mukha ko.

Parang gusto ko siyang yakapin at umiyak sa dibdib nito habang humihingi ng tawad.

Nakokonsensya kasi ako sa pagsisinungaling ko, hindi ko naman kasi ugali na magsinungaling dito ngunit kailangan kong gawin ito.

“N-Nay, pasensya