Kabanata 95

“Katatapos ko lang palitan ng diaper ang aking anak ng bumukas ang pinto ng silid.

Mabilis ang ginawa kong paglingon sa pintuan at nakita ko na pumasok si Ate Tess. Malungkot ang maamo nitong mukha habang ang kanyang mga kamay ay nakahawak sa laylayan ng kanyang kulay brown na bestida.

Imbes na ngumiti dahil sa presensya ng butihing ginang ay tila nahawaan ako ng ekspresyon ng mukha nito. Tulad nito ay nalungkot din ako, sabay tingin sa mukha ng aking mga anak na tila gustong makipaglaro sa akin. Nang makita ko ang ngiti ng aking mga anak ay isang malungkot na ngiti ang lumitaw sa mga labi ko.

Kahit hindi pa man sabihin sa akin ni Ate Tess kung ano ang kanyang pakay ay alam ko na kung ano ang ibig sabihin ng ekspresyon ng mukha nito. Nagsimula na namang manubig ang aking mga mata. Mas lalo akong nasaktan ng pumasok ang dalawang katulong at maingat na binuhat ang aking mga anak.

Gusto kong sigawan ang mga ito, at palayasin palabas ng silid, pero hindi ko kaya. Wala akong lakas ng l