Kabanata 119

“No, this can’t be….” Paanas na sambit ni Sophia habang nakatitig sa sahig. Nagsisimula ng mamasâ ang kanyang mga mata habang ang kanyang dibdib ay mas lalong humihigpit dahil sa matinding galit. Nang mga sandaling ito ay larawan siya ng isang talunan.

Mag-isa siyang nakaupo sa salas ng kanyang unit habang inaanalisa ang mga nangyayari sa kanyang buhay.

Hindi siya makapaniwala na mangyayari sa kanya ang lahat ng ‘to. Noong nasa Pilipinas pa lang siya ay hindi niya ramdam ang malaking banta ni Samara sa kanyang career. Kaya masyado siyang ginulat ng kasikatan nito pagdating niya dito sa bansang France. At ngayon ay nagsisimula na rin itong sumikat sa buong mundo dahil marami ng kumpanya ang tumatangkilik kay Samara.

Ang tuluyang pagtalikod ng mga sponsor kay Sophia ay nagdulot ng matinding kabiguan sa kanyang career. Iilan na lamang ang mga project na hawak n’ya, pero maging ang mga ito ay malapit na ring mawala sa kanya.

Nasasaktan siya, dahil nakikita naman niya kung paanong tangk