Kabanata 118

“Tuluyan ng nagiba ang pader na iniharang ko sa pagitan namin ni Winter, dahil hindi ko rin pala ito kayang tiisin. At mas lalong hindi ko kayang tiisin ay ang aking mga anak, dahilan kung bakit bumigay na ako sa panunuyo ng asawa ko.

Pagkatapos ng madamdaming pag-uusap, tumayo ito mula sa pagkakaluhod sa sahig. Kaya ngayon ay bahagya na akong nakatingala at siya naman ngayon ang nakayuko dahil masyado itong matangkad.

Kung kanina ay mukha siyang kahabag-habag ngayon ay nagmukha iyong bata nantila nakatanggap ng isang malaking regalo.

Naglaho ang lungkot sa kanyang mukha dahil sa isang ngiti na sumilay mula sa kanyang mga labi. Hinawakan ng kanyang mga kamay ang magkabilang pisngi ko, at paulit-ulit na hinaplos ito ng kanyang mga hinlalaki habang nakatitig sa mga mata ko ang asul nitong mga mata.

Natigilan akong bigla, at halos mabingǐ ako sa lakas ng kabôg ng dibdib ko. Wari moy may kung anong mahika na umaalipin sa aming dalawa. Hanggang sa dahan-dahan na bumaba ang kanyang mukh