Book 5: Chapter 14-Underground

"Hindi nga ako nagkamali na babalik ka!" Nakangisi na sinalubong siya ng lalaki na siyang lumapit din sa kanya kagabi.

"Malaki ang natalo sa akin kagabi, gusto kong makabawi." Sagot ni Ruel dito.

"Tayo na sa loob kung ganoon." Inakbayan ng lalaki si Ruel at inakay papasok sa loob.

Pagtapat sa pintuan ay nagpatiuna na ang lalaki sa loob at sumunod siya. Lalong dumami ang gumagamit ng bawal na gamot dahil langhap niya agad iyon nang makapasok. Inalok pa siya nito at hindi niya tinanggihan. Pinindot ang hawak na button hudyat na maari ng lumantad ang kasamahan kasabay ng pagbunot ng kaniyang baril na nakatago sa suot na jacket.

"Itaas ang mga kamay, all of you are under arest!" Malakas niyang pahayag at tinutukan ng baril ang lakaki na namumuno roon.

Gulat ang lahat at tangkang bubunot ng baril ang ilan na naroon upang lumaban, ngunit natigil nang makita ang mga kasamahan niya at nakatutok na sa mga ito ang hawak na mga armas.

"Huwag na kayong lumaban pa dahil napapaligiran namin kayo.