Chapter 68: Pregnant

DALAWANG ARAW NA simula nang mawala si Parker pero wala pa ring tigil si Cathy sa paghahanap. Patuloy pa rin siya sa pagbibigay ng flyer na may larawan at impormasyon ng anak niya sa mga tao at nagdidikit din siya sa mga poste. Malaki pa rin ang pag-asa ni Cathy na mahahanap niya ang anak niya. Naniniwala siya na nasa paligid lang ito.

“Cathy, ipagpabukas na lang natin ang pamimigay nitong flyer. Kailangan mo ring magpahinga—isa pa, hindi ka pa kumakain simula kaninang umaga. Malapit nang dumilim, oh,” sambit ni Johanna na kasalukuyang kasama ni Cathy.

Umiling si Cathy. “Hindi ako titigil hanggat hindi ko nahahanap ang anak ko. Puwede ka nang umuwi, Johanna. Salamat sa pagtulong sa akin. Kaya ko ito,” nakangiting sambit ni Cathy subalit taliwas iyon sa nararamdaman niya ngayon.

Masakit pa rin ang puso niya at walang segundong hindi niya inaalala ang anak niya. Nangako siya sa sarili niya na kahit anong mangyari ay hindi siya titigil—mapagod man o magutom siya. Lubusan na siyang nag-aa