Chapter 64: Missing

NANINIWALA SI CATHY na hindi kayang gawin ni Phoenix ang ibinibintang dito. Malakas ang paniniwala niya na hindi siya nito kayang patayin. Dahil sa nangyari, kumalat na iyon sa buong ospital, at dahil si Phoenix ang may-ari noon, walang imik ang mga tao roon sa takot na baka mawalan sila ng mga trabaho.

Ilang oras na ang nakalipas nang mangyari ang bangungot na iyon kay Cathy. Takot na takot pa rin siya magpahanggang ngayon at hindi siya makausap nang maayos. Wala siya sa huwisyong magsalita o makipag-usap sa kadahilanang lubusan siyang naapektuhan sa nangyari. Isang mabait na tao ang namatay ng dahil sa kape na para sa kaniya dapat. Sinisisi rin ni Cathy ang sarili dahil kung hindi niya ibinigay ang kape sa guard, hindi sana ito mamamatay.

“Stop blaming yourself, Cathy,” mahinahong sambit ni Anthony na kakapasok lang ng silid ni Cathy.

Pinauwi muna siya ni Mr. Harold dahil hindi rin naman siya makakapagtrabaho. At dahil mag-isa na lang si Cathy sa bahay niya, sinamahan siya ni Antho