Chapter 29: I Am His Real Mother

NANG MALAMAN NI Miriam na nagtungo si Parker sa Montgomery Medical Center kasama ang butler ni Phoenix, agad niyang pinaharurot ang kaniyang sasakyan patungo roon.

Nang makarating, bumaba siya ng kaniyang sasakyan at halos liparin na agad niya ang entrance ng ospital. Pagkapasok ni Miriam, agad hinanap ng mga mata niya si Lando at mula sa lobby, nakita niya ito habang prenteng nakaupo sa couch habang may kausap sa cellphone.

Marahas na nagpakawala ng hangin sa bibig si Miriam kapagkuwan ay nilapitan ang lalaki.

“Hey, nasaan si Parker? And who the hell allowed you to bring him here without my permission?!” galit na bungad ni Miriam kay Lando.

“Ma'am Miriam, ikaw po pala iyan,” nakangiting usal ni Lando bago tumayo. “Nasa room po siya ni Ma'am Cathy. Actually, may permiso po ako ni Master Phoenix. Ako po ang pinasama niya kay Young Master Parker,” dagdag pa nito.

Pakiramdam ni Miriam ay nagbaga ang ulo niya nang marinig ang pangalan ni Cathy.

Imbes na sagutin pa si Lando, dali-daling n