Chapter 118

Iyak lang ako nang iyak sa loob ng silid ni Tatay habang niyayakap ni Raheel. Bakit kailangan pa naming mamili? Bakit humantong sa ganito ang kasakiman nila? Nanganganib ang buhay nina TJ at Tatay. Kailangan naming magdesisyon kaagad at sundin ang sinabi nila. Ayokong mamili. Gusto ko pang mabuhay at makasama ang pamilya ko.

"Kailangan kong puntahan si Tatay. Kailangan niya ang tulong ko..." namamaos kong sabi. Halos hindi ko na makilala ang boses ko.

Hinaplos ni Raheel ang likod ko. Umiiyak na rin siya. Pareho kaming nahihirapan sa sitwasyon kasi buhay ng pamilya namin ang nakasasalay sa amin. "I'll give up the company," nanginginig ang boses niya. "Wala akong pakialam kung mamamalimos ako pagkatapos kong iligtas si TJ."

Yumakap ako ng mahigpit sa kaniya. "Pupuntahan ko si Tatay."

Kumalas siya sa yakap ko. "Anabelle..." Umiling-iling siya. "Alam kong mahalaga siya sa 'yo at alam nating hindi niya magugustuhan ang desisyon mo."

"Mabubuhay lang si Tatay kapag nawala na ako, Raheel