Chapter 124

Nang magising ako kinabukasan, wala na sa tabi ko si Anabelle. Binalot ko ang katawan ko ng kumot at kumuha ng damit sa closet nang mapansing wala na sa sahig ang mga gamit ko kagabi. Napalingon ako sa banyo nang narinig ang pagbukas ng pinto. Nakita ko si Anabelle, nakasuot ng bathrobe.

"Bakit hindi mo ako ginising? Sabay dapat tayong maliligo," sabi ko at niyakap siya ng mahigpit. Hinalikan ko ang noo niya pababa sa mapupula niyang labi.

"Mahimbing ang tulog mo kaya hindi na kita ginising," sagot niya at ipinulupot ang mga kamay sa beywang ko.

"Maligo ka ulit. Sabayan mo ako," pilyong saad ko at sinimulang halikan ang leeg niya.

"Raheel, katatapos ko lang maligo. Magbibihis na ako."

"Sabayan mo akong maligo. Simula nang tumira tayo rito hindi mo na ako sinasabayan," sabi ko at nagkunwaring nagtatampo. "Naiinggit ako kay TJ kasi nasa kaniya lahat ng atensyon mo. How about me, Anabelle? Kailan mo ba ako bibigyan ng atensiyon?"

Kinurot niya ang ilong ko at hinalikan ang labi