Chapter 128

Nang maagaw ni Tatay ang kutsilyo, itinulak niya si Nanay kaya napasubsob ito sa lupa. Pinasadahan ko ng tingin ang paligid, nagkakagulo na sa reception. Nagsisigawan ang mga panauhin.

"Nababaliw ka na, Leah!" sigaw ni Tatay nang tuluyan niya nang maagaw ang maliit na kutsilyo.

"Papatayin ko siya!" galit na sigaw ni Tatay at sinubokan niya akong lapitan, ngunit mabilis siyang pinigilan ng mga guards.

Niyakap ako ni Raheel. Hindi ko mapigilan ang sarili kong maluha sa inaasta ni Nanay sa mismong kasal namin. Ni hindi niya nirespeto ang espesyal na araw. At hindi ko alam kung bakit nagkakaganoon siya. Bakit gusto niya akong patayin?

Nakahinga lang ako nang maluwag nang kaladkarin nila si Nanay palabas ng reception area. Inutusan ni Raheel ang mga tauhang bantayan ang buong paligid, baka sakaling may msasamang taong nakapasok sa lugar. Unti-unti ring bumalik sa normal na ayos ang lahat, pero hindi maalis sa mukha ng mga panauhin ang takot na nararamdaman nila.

Pilit kong pinapakalma