Chapter 136

Raheel's POV

Abot langit ang sayang nararamdaman ko nang makaligtas kami sa kamay ni Dr. William. Hindi naging madali ang paghuli sa kaniya roon sa Indonesia. Halos kalahati ng tauhan ko ang namatay dahil sa patibong na ginawa niya. Nagpapasalamat na lang ako kasi nakatakas kami ng mga kaibigan ko kahit puno ng pasa at bugbog ang aming katawan.

Pagkauwi ko sa bahay, naabotan ko ang mga katulong naming naglilinis, ngunit hindi ko makita ang aking mag-ina. Nagtanong ako sa kanila kung saan sila pumunta, akala ko kasi umalis na naman sila ng bahay. Para akong nakunan ng tinik sa dibdib nang sabihin nilang nasa bahay pa rin ang aking mag-ina at mayroong family day sa paaralang pinapasukan ni TJ. Kahit pagod at masakit ang aking katawan, nagtungo ako sa paaralan upang makita ang aking pamilya. Nakipag-away pa ako kay Knight sa sobrang hina ng pagmamaneho niya.

Pagkarating namin sa paaralan, mabilis akong lumabas ng kotse at nagtungo sa dagat ng mga tao. Hinahanap ko sila, ngunit nahihir