Chapter 135

Mag-a-alas otso na ng umaga, ngunit hindi pa rin kumakilos si TJ upang maghanda dahil ngayong araw ay magkakaroon ng family day sa school nila. Kanina pa siya pinipilit ng kaniyang yaya na maligo at maghanda, pero hindi siya nakikinig. Nakatingin lang siya sa labas, malalim ang iniisip.

Pagkatapos kong mag-breast feed kay Brielle, maingat ko siyang inilagay sa crib upang kausapin ang kapatid niyang si TJ. Alas diyes magsisimula ang program at hindi kami pwedeng mahuli kasi isa si TJ sa mga magpe-perform sa entablado. Siya ang napiling kakanta para sa mga magulang.

"May problema ka ba, TJ? Mukhang malalim ang iniisip mo." Tinabihan ko siya. Umusog siya ng kaunti at tumingin sa akin. "Bakit hindi ka pa naghahanda? Baka mahuli tayo. Kakanta ka pa, 'di ba?"

Mabilis na umiling si TJ. "I won't sing," malamig niyang sabi kaya bigla akong natigilan. "Hindi ako pupunta sa school. Maiinggit lang ako kasi kasama nila ang Daddy nila, habang ako, ikaw lang at si Baby Brielle ang kasama ko."

"K