Chapter 4

Hindi ako makagalaw. Ramdam ko siya sa likuran ko. Nang aalis na ako ay nakita ko sa gilid ng mga mata ko na inabot niya iyong towel na nakapatong sa sofa. Jusko magkakasakit ata ako sa puso. Kapag natanggap ako bilang katulong niya, mukhang palaging tataas ang presyon ko dahil sa kaniya.

"So, tell me..."

Bakit naman n*******d ang lalakeng ito?! wala siyang boxer! talagang walang suot!

"How old are you?"

Narinig kong tanong niya. Pero dahil sa sobrang gulat ay hindi ako kaagad nakapagsalita. Nakatakip ang mga kamay ko sa aking mga mata at hindi talaga gumagalaw. Pakiramdam ko kanina nang makita ko ang jolly hotdog niya ay humiwalay sandali ang kaluluwa ko sa katawan ko.

Grabe. G-Grabe lang...

Ganoon pala ang itsura non.

Normal size ba 'yon? ay sht! alisin mo iyan sa isipan mo, Thaliana Tangi!

Pero hindi ko kasi alam! unang beses ko makakita ng hotdog! hindi pa rin ako nakakanood ng powrn! anong alam ko sa sizes ng mga hotdogs!

"Nakalimutan ko. Sinabi ng guard kanina na elementarya lang ang tinapos mo."

"Ano po 'yon, Sir Hotdog?"

Kitang-kita ko kung paano kumunot ang noo niya sa akin at ang pagsasalubong ng mga kilay niya. 

Doon na ako natauhan sa nabanggit ko. Sht. Sinabi ko bang Sir hotdog?!

Napatalikod ako ulit at kinastigo ko ang sarili ko. Ibinaba ko ng dahan-dahan ang mga kamay ko at napapikit ng mariin. Hindi ko pa siya ulit hinaharap.

"Nagugutom ka ba?" seryoso ang pagkakatanong niya pero namilog ang mga mata ko at humarap na. Sunod-sunod na pag-iling ang ginawa ko.

"H-Hindi po! kumain na po ako bago pumunta dito. A-Ano po ulit yung sinasabi ninyo, sir?"

Bwisit kasing hotdog niya!

"Na elementarya ang natapos mo, ibig sabihin ay hindi ka nakakaintindi ng english."

Nang mapagtanto ko ang sinabi niya ay pumasok kaagad sa isip ko na huwag siyang sasagutin kapag nagsalita siya ng ingles.

Dahil sinabi ko nga pala kanina sa guard na elementarya lang ang tinapos ko.

"S-Sir Valleje?" tanong ko na lang ulit.

Nakita ko siya sa gilid ng mga mata ko na may kinuha sa lamesa na nasa gilid. Isang papel. Pagkatapos ay umikot siya at ngayon ay nasa harapan ko na. Naiiwas ko ang mga mata ko nang makitang ang towel sa pang-ibabang katawan lang niya ang suot niya.

Wala ba itong balak magdamit?!

"Ilang taon ka na? at ano ang pangalan mo?" tanong niya sa akin.

"Twenty-nine na po ako, s-sir," sagot ko nang hindi pa rin tumitingin sa kaniya.

Nakikita ko siya sa gilid ng mga mata ko at nakatingin siya sa akin habang ang mga kamay ay nakadipa sa likod ng sofa. Flex flex lang?

"Maupo ka, may balak ka bang kausapin ako ng nakatayo at hindi nakatingin sa akin?" tanong niya.

Hindi ako gumalaw, takot na lumapit sa kaniya. Aba, baka mamaya kung ano ang gawin niya sa akin! sino ba namang matinong lalake ang haharap sa nag-a-apply ng katulong nang naka tuwalya lang? tapos nag-hello pa iyong hotdog niya kanina!

Oh, Tangi, erase! erase!

"H-Hindi kasi ako sir sanay na nakakakita ng k-katawan ng lalake. S-Saka, tama po ba na humarap kayo sa akin na ganyan lang ang suot?" tanong ko sa kaniya.

Nang tumayo siya ay napatingin ako pero sandali lang iyon.

"Okay, I'll come back. Sit down and wait for me."

Tumaas ang mga kilay ko sa sinabi niya. Pumasok siya sa isang pinto na sa tingin ko ay ang silid niya. Ang kanina kasing nilabasan niya ay iyong cr. Mukhang nag-quick shower siya kasi basa iyong buhok niya.

Katulad ng sinabi niya ay naupo ako. Ano ba ang trip ng lalakeng iyon? negative na sa akin ang ganoon. Bakit niya binabalandra iyong katawan niya sa harapan ng kung sino? tapos kita pa iyong hotdog niya.

Anong trip niya?

Nakakaloka. Nanghihina na 'yong loob ko na magpatuloy. Nakakatakot. Baka mamaya atakihin ako ng hotdog na 'yon. Mukhang may sariling isip iyon kanina kasi gumalaw. Grabe.

"Nakakakilabot," sabi ko sa sarili ko at tinabanan pa ang aking mga balikat.

"So, what's your name?"

Napalingon ako nang marinig ang boses ni Rozzean.

Oh... may damit na siya ngayon. He's wearing gray sweatpants and black sando. Pero, grabe, ang laki ng epekto sa akin ng nakita ko kanina kasi kahit na maayos na yung pananamit niya doon pa rin sa baba niya ako nakatingin.

Focus, Tangi!

"Ang tanong ko ay ano iyong pangalan mo?" sabi niya ulit.

Umiling ako, "Naintindihan ko naman po, kahit konting ingles ay nakakaintindi po ako, s-sir."

Grabe ito tumingin. Para akong iniimbestigahan. Pero infairness, ang ganda ng mga mata niya. Deep eyes, tapos iyong labi niya nahiya ang kulay ng labi ko.

"Kung naintindihan mo naman pala ang tanong ko ay bakit hindi mo sinagot?"

Napangiwi ako. May kasungitan na taglay ang lalakeng ito. Ililista ko ito mamaya sa notebook ko na nakalaan lamang para sa kaniya. Hindi ako dapat magpalampas ng mga impormasyon tungkol sa kaniya na hindi ko magugustuhan.

"S-Sir, kasi syempre nabigla pa rin po ako sa nakita ko kanina--

"Twenty-nine ka na, hindi ba? still a virgin? and don't tell me that's your first time to see a dck?"

Mygoodness! wala bang preno ang bibig ng lalakeng ito?

Sunod-sunod akong umiling.

"Hindi po ako sanay makakita ng ganoon, sir. Mawalang galang na po, pero hindi po ako ang klase ng babae na makikipagtalik ng hindi pa ikinakasal. Isa pa, kayo po ang may kasalanan sa nangyari kanina."

Sumandal si Rozzean sa sofa at humalukipkip siya. Napatingin naman ako sa biceps niya. Alaga siguro siya sa gym? grabe--

Focus nga kasi, Tangi!

"Bakit kasalanan ko? I am here inside my room... in my own house, woman."

Kunwari ay hindi ko naintindihan ang sinabi niya. Ikinunot ko ang noo ko.

"P-Po?"

Hinilot niya ang kaniyang sintido at tiningnan ako. Iyong tingin niya pakiramdam ko may nagawa akong masama. Saka, judgemental iyong pagtingin niya. Wala pa akong isang oras dito sa bahay niya marami na akong ililista sa notebook ko mamaya.

"Hindi ko alam na papasok ka na sa kwarto ko. Sanay akong lumalabas ng n*******d. Hindi ko rin narinig kung kumatok ka."

"Damn, why am I explaining to this woman?" bulong nito na narinig ko naman.

Umangat ang gilid ng labi ko pero nang bumalik ang tingin niya sa akin ay tumikhim ako at nagsimulang magpakilala at sabihin kung ano ang pakay ko.

"Ako po si Tali Dela Cruz, sir. Mag-isa na lang po ako sa buhay, naghahanap po ako ng trabaho. Wala na po akong mga magulang. Kaya po ako narito ay nagbabakasakali ako na makuha ninyo bilang katulong. Marunong na marunong po ako ng mga gawaing bahay. Wala po kayong dapat na ikabahala sa akin," sabi ko sa kaniya.

Blangko ang ekspresyon ng mukha niya habang nakatingin sa akin. Ako naman, kabado siyempre. Kahit na pinapasok niya ako rito ay tiyak kikilatisin niya pa rin ako. Haay, sana tanggapin niya ako.

Bakit ba kasi pinangunahan ko kaagad kanina na matatanggap ako? gayong kakausapin pa ako ng lalakeng 'to?

"Tali Dela Cruz?"

Tumango ako.

"I have only one rule in my house, Tali--"

"May isa lang akong patakaran sa bahay na ito."

Maayos akong umupo at seryosong tumingin sa kaniya. Nararamdaman ko nang tatanggapin niya ako.

"Ang dahilan kung bakit nauubusan ako ng katulong ay lahat ng mga ito ay nagkakagusto sa akin. Ayoko ng ganoon sa pamamahay ko. Kaagad kong pinapatalsik."

Napatanga ako sa mga sinabi niya. Kaya pala iisa lang iyong katulong na nakita ko kanina. Iyong matanda.

Pero, ano daw?

"S-Sir?"

"Ang isang patakaran ko ay hindi ka dapat magkagusto sa akin."

Ang kapal naman ng mukha ng lalakeng ito. Ang taas ng tingin sa sarili! Iyon talaga ang patakaran niya?! Ang taas ng expectations ko, ha! oo gwapo siya, pero baka naman nag-assume lang siya sa ibang mga katulong niya?

"Sa oras na malaman ko na may gusto ka sa akin, kailangan mo nang lisanin ang mansyon na ito."

Napaatras ako at napaawang ang mga labi ko. Ilang segundo pa ay natakpan ko ang bibig ko dahil hindi talaga ako makapaniwala sa sinabi niya. Ito pala ang nais ni dad na mapangasawa ko. Napakayabang!

"Sir, mawalang galang na po..." sabi ko. Hindi ko talaga mapigilan.

"Pero, ang kapal po ng mukha ninyo."