PART 86 - RAISING BOTH HANDS

Lalo akong lumubog sa hiya nang bumunghalit ng tawa si Ahya Knives.

“Oh my God! Okay,” Napapunas sya sa mukha nya. “So hindi na tayo magde-date?”

“A-ano’ng date?!? Wala tayong date!” depensa ko agad.

“I mean, hindi na tayo aalis? Aren’t we supposed to come over to Orlie’s apartment? He’s here safe and sound, so we’re not leaving? Kung hindi na, edi uminom na lang tayo... Magpakuha ka ng beer, Atsi,” pumangalumbaba si Ahya sa lamesa at sinulyapan ako sa gilid ng mga mata nya. Syet! Kinikilig talaga ako sa mga titig nyang gano’n. Naiilang na hinagod ko ng kamay ang aking nakatirintas pang buhok at nagbaling sa iba ng tingin.

Sa tanang buhay ko, ngayon lang ako talaga kinikilig nang ganito sa isang lalake. Ako kasi ang madalas sumulyap ng pakilig. Ewan ko ba, ilang beses na kaming nagkasumpungan sa kama pero hindi pa rin nagbabago ang pakiramdam ko kapag tinitingnan nya ako. Nangingiti ako na parang may tumutusok sa tagiliran ko na hindi ko maintindihan.

“Nice! Bonding tayo t