PART 48 - 4 IN THE A.M.

Maaga nga dumating si Orlie, mag-a-alas-kwatro palang pinapa-ring na nya ang cellphone ko; nasa labas na raw sya ng gate. Siguro pag-out nya sa trabaho ay dumiretso na sya dito.

Hinaklit ko ang tuwalyang nakasabit sa pinto sa bathroom at isinampay 'yon sa aking balikat para matago ang dibdib kong bakat na bakat sa manipis kong pantulog pagkatapos ay nagkumahog na akong lumabas ng kwarto. Kahit nagmamadali ako pinilit kong hindi makagawa ng ingay. Baka marinig ni Kuya Knives ang kaluskos ko at bigla nya akong singhalan. Gising pa nga siguro sya hanggang ngayon kasi may naririnig akong ugong ng nagsasalita sa kwarto nya. Nanonood siguro sya ng TV, o may kausap sa cellphone.

Naaninag ko na agad si bakla sa may gate kaya nagtatakbo na ako, saka palang sya pinapasok ng guard nang makita ako.

“Muntik ko na syang jowa-in, bakla! Ansungit, pangit naman!” patutsada ni Orlie sa gwardyang nangangamot ng ulo. Inabot nya sa akin ang plastic bag na pasalubong nya.

“Pasensya na kayo, ma’a