PART 47 - ALMOST BUT NOT QUITE

Nagitla ako sa ibinalita nya sa akin.

“Bakit ako nadamay?! Hindi naman po nya ako anak eh. At saka teacher ako ‘Ma, hindi po ako negosyante.”

“Baka naman may maisip pang ibang paraan si Tito Miguel mo. Pero kahit matagal pa ‘yon, hindi lang iisang taon ang gugugulin mo para matutunan ang lahat lalo na’t malayong-malayo ‘yon sa propesyon mo.”

Napatanga ako sa sinabi ni Mama.

Education ang kinuha kong kurso sa kolehiyo dahil gusto kong magturo at mahilig ako sa mga bata. Idol ko ang mga teacher ko noong elementary sa ginagawa nilang paglilinang ng mga murang kaisipan. Minsan naiisip kong gusto kong magkaroon ng learning center o kapag napapasarap ang pangangarap ko ay isang eskwelahan. Pero ni isang beses ay hindi sumagi sa hinagap ko ang magpatakbo ng multinational company na tulad na lang ng Rockefeller Industries.

“Matagal pa naman ‘yon, napag-usapan lang ngayon dahil ngayon lang sila ulit nagkita-kita after so many years. Sinasabi ko lang ‘to sa ‘yo para handa ka sa kung a