PART 46 - MOTHER AND CHILD BONDING MOMENT

[Kataleia's POV]

“‘Nak, Kumusta ka naman, kumusta ang trabaho? Nakapag-adjust ka na ba?” malambing na tanong sa akin ni Mama habang hinihilod nya ng malambot na sponge ang likod ko.

Inaya nya akong maghottub sa malaki at maganda nilang bathroom, noong nag-aaral palang ako may pagkakataong nagsasabay kaming maligo. Wala naman kaming bathtub noon, umuupo lang kami sa plastic stool sa maliit naming banyo at naghihiluran ng likod; iyon ang pinaka-bonding naming dalawa. Busy kasi sya palagi, lalo na noong dumating sa buhay nya si Tito Miguel.

“Okay lang po, ‘Ma. Mababait ang co-teachers ko. May nag-drawing nga ng mukha ko, ang ganda ‘Ma!” bida ko sa kanya.

“Talaga? Sino’ng nag-drawing?”

“‘Yung Master Teacher po namin. Mamaya ipapakita ko sa ‘yo,” ngiti ko sa kanya habang nilalaro ang bula na umiibabaw sa paggalaw ng tubig.

“Eh dito ba sa mansyon, nakapag-adjust ka na?”

“Okay lang po ‘Ma, medyo malungkot lang kasi laging walang tao,” pag-amin ko sa kanya.

“Makakasanayan