PART 44 - DESPEDIDA DE SOLTERA

[Kataleia's POV]

“Nasa malayo raw sya.”

Ibinaba ni Atsi Olivia ang cellphone nya sa wooden table na katabi nya pagkatapos ay binottoms up ang wine sa kanyang wine glass.

Nakita ko ang frustration sa mga mata nya, pero wala akong magawa sa kanya. Kung kilala ko lang talaga ‘yung Knives na ‘yon tinawagan ko na tapos pinagmumura ko. Nag-iisa nga lang nyang kapatid na hindi pa nya madalas makita eh hindi pa nya mapagtuunan ng pansin.

Pero okay na rin ‘yon kahit hindi sya dumating. Bigla kong naalala ang iyak ni Pearl habang kinukuwento na pinagalitan nito kanina nang dahil lang sa prutas. Itinaga ko na sa bato na sa wedding day na lang kami magkikita.

Parating na si Kuya Mike, naaninag ko ang pag-swerve nang mabilis ng kanyang SUV sa driveway. Tumakbo si Yvonne para salubungin sya. Tiningnan ko si Atsi, nakatingin sya sa sasakyan ng asawa pero hindi sya natinag sa pagkakasandal nya sa bench.

“Atsi, si Kuya Mike dumating na,” untag ko sa kanya.

“Traffic siguro,” sagot lang nya sa ak