Kabanata 0049 Still Hoping

Gabrielle's Point of View

Pinaalis ako nila Lola at Kate sa kwarto ko dahil lilinisin daw nila. Masyado na daw matapang ang amoy ng alak, sigarilyo at kung ano mang nabubulok na bagay. May mga inuod na daw na hindi ko naman napapansin.

Sa loob ng dalawang linggo, lumalabas lang ako para bumili ng alak, sigarilyo at kung anong bagay na mag-lead sa akin para mamatay. Gusto ko ng mamatay na lang sa sakit ng pag-alis niya ng walang paalam. Ang hirap matulog sa gabi, ang hirap gumising sa umaga na aligaga at may kung anong pangamba akong nararamdaman. Alam kong hindi iyon normal at ayokong maging pabigat pa kay Lola at Kate. Sa tuwing mag-aattempt ako bigla na lang papasok sa isip ko ang masayang mukha ni Eumerriah, naririnig ko ang mga hagalpak niyang tawa at ang mga sermon niyang parang bata ang boses. Natitigilan ako, nagkakaroon ako ng pag-asang bumalik siya at harapin akong muli kasama na ng anak ko.

Nagpanggap akong maayos na hindi nalulungkot sa harap nila Lola. Nagpaalam akong b