Kabanata 051 Who's the Father

Gabrielle's Point of View

Akala ng lahat ang tahimik ng isang linggong nakalipas ko. Akala nila Lola at Kate ay maayos lang ako pero hindi nila alam tuwing wala sila sa bahay ay doon nagsisimula ang kalbaryo sa isip ko. Hindi na ako lumalabas, ayokong dagdagan pa ang problemang dinala ko. Kinulong ko ang sarili ko sa sarili kong mundo. Hindi ko nagawang kumuha ng cellphone para kumenekta sa mga kaibigan ko. Ayoko pati sila problemahin ang problema ko. Paulit-ulit lang ang pag-iisip ko ng hindi maganda.

"Kuyaaaa!!" Katok ni Kate sa pinto. Agad kong pinatay ang music na pinapatugtog ko at ang beer na iniinom ko ay nilagay ko sa ilalim ng kama.

"Bakit?" Tanong ko sa kaniya nang buksan ko ang pintuan ko. Napapaypay pa siya sa mukha niya. "Ang baho! Nag-iinom ka na naman ba? Tanghaling tapat."

"Hindi! Baka naamoy mo lang sarili mo. Pag-ikaw nalaman kong nag-iinom na. Sinasabi ko sa iyo ipapaubos ko mga alak sa mundo sa iyo!" Pagbibiro ko sa kaniya. Inamoy-amoy naman niya ang sarili niy